Josefine Aarbergsbotten
Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.
Josefine Aarbergsbotten (fødd i 1905, Gaular kommune, død 25. juni 1981 i Førde) var lærar. Ho hadde eksamen frå Elverum lærerskole i 1928 og vart lærar i Avedal krins i Lavik i noværande Høyanger kommune. I Lavik vart ho med i lokalpolitikken og sat ei periode i edruskapsnemnda.[1]. I 1948 fekk ho lærarjobb i Vegusdal [2] i Birkenes kommune og i 1950 var ho lærar på Rimbareid skule i Fitjar kommune fram til 1966[3]. Dei siste åra budde ho i Viksdalen. Då Josefine var lærar i Avedal og i Fitjar fekk elevane premier i teiknetevlinga til Norsk teikne- og handarbeidslærarforbund, vekebladet Aktuell og Nasjonalgalleriet, i 1948 og i 1954.
Foreldra var bonde Ole Aarbergsbotten og Marta Bygstad[4].
Galleri
Elevar frå Lavikdalen vann 1. premie (70 kroner) i teiknetevlinga i 1948 med Josefine Aabergsbotten som lærar. (Sogn og Fjordane 28.5.1948)
Josefines elevar frå Rimbareid skule i Fitjar vann premie i den nasjonale tevlinga i teikning til Norsk tegne- og håndarbeidslærerforbunds og tidsskriftet Aktuell i 1954. Det var utstilling på Nasjonalgalleriet i samband med tevlinga. (Haugaland Arbeiderblad, 22.5.1954)
Kjelder
- Dødsannonse i Bergens tidende 30.6.1981: Digital versjon på Nettbiblioteket.
- ↑ Sogn og Fjordane 1948.01.23. Digital versjon på Nettbiblioteket.
- ↑ Agder Tidend 1948.08.31. Digital versjon på Nettbiblioteket.
- ↑ Gula Tidend 1966.02.08. Digital versjon på Nettbiblioteket.
- ↑ Norske skolefolk. Utg. Dreyer. 1952. Digital versjon på Nettbiblioteket.