Mil Auto
Mil Auto blei starta av Olaf Østbø i 1928.[1] Bensinstasjonen låg i Bøgata 33 (Gnr. 53/11, «Ytterbø») i Bø i Telemark.
Historikk
Olaf Østbø kjøpte Ytterbø (Bøgata 33) og Huseby (Bøgata 35) i 1928. Då oljeselskapet Mil leita etter ein forhandlar i Bø, vendte dei seg til Østbø som var positiv til tanken. Dermed vart Mil Auto starta opp.[2]
Frå byrjinga var forretninga berre ein bensinstasjon, men i 1941 opna Østbø også ein verkstad i eit tilbygg til stasjonen i lag med Hans Glenna. Det vart utført reparasjonar på både bilar og motorsyklar. Bensinstasjonen solgte bensin, olje, bilrekvisita og bildelar. Mil Auto sysselsatte fem personar.[3]
I 1958 flytta bensinstasjonen over gata der ein ny BP-stasjon vart bygd. Denne vart lenge drive av sonen til Olaf Østbø, Håvard Østbø. Gunnar Mæland overtok stasjonen i 1985, og den vart omgjort til ein Statoil-stasjon.[4] I 2016 vart den omgjort til Cirkle K-stasjon.
Kjelder
- Sætherskar, Johs. (red.), Det Norske Næringsliv 4, Telemark Fylkesleksikon, Bergen. 1949.
- Mæland, Ivar, Bø tè tusen - gata i hondre, Bø, 1999.