Bokn kommune
| Bokn | |
|---|---|
| |
| Basisdata | |
| Kommunenummer | 1145 |
| Fylke | Rogaland |
| Kommunesenter | Føresvik |
| Areal | 47.17 km² |
| Areal land | 44.57 km² |
| Areal vann | 2.6 km² |
| Folketall | 868 (2023) |
| Grunnlagt | 1849 |
| Målform | nynorsk |
| Nettside | Nettside |
Bokn kommune er ein kommune i Rogaland. Kommunen består av dei tre bebudde øyane Vestre Bokn (Loten), Austre Bokn og Ognøya på nordsida av Boknafjorden, og 121 andre øyar, holmar og skjer. Han har såleis ikkje grenser over land, men har sjøgrenser til Karmøy kommune, Tysvær kommune, Stavanger kommune og Kvitsøy kommune. Bokn kommune vart grunnlagd i 1849, då han vart skild ut frå dåverande Skudenes kommune. Bokn kommune har hatt uendra grenser til no, medan Skudenes kommune vart del av Karmøy kommune i 1965.
Folketalet var 844 i 2018. Om lag fire femtedelar bur på Vestre Bokn, der kommunesenteret Føresvik ligg. Føresvik definerast som tettstad av Statistisk sentralbyrå, men under namnet Bokn. Kartverket reknar på si side Føresvik som namnet på tettstaden.[1]
Kommunevåpenet består av seks sølvfarga sirklar på blå bakgrunn, og føresteller ein varde. Blåfargen symboliserar havet. Namnet «Bokn» har usikker tyding, Store Norske Leksikon har to ulike teoriar. Den eine er at namnet er avleda eit ord for «merke» eller «teikn», som viser til Boknafjellet som kjend sjømerke, jamfør kommunevåpenet. Den andre teorien er at det kjem frå norrønt boka, som tyder å «støta» eller «slå», og «Bokn» skulle såleis tyda «øy som bølgjane slår imot», ifølgje SNL.
Referansar
Kjelder
- «Bokn» i Store Norske Leksikon.
- Statistisk sentralbyrå: Tettsteder. Folkemengde og areal, etter kommune. 1. januar 2012.
- Juvkam, Dag: Historisk oversikt over endringer i kommune- og fylkesinndelingen, Statistisk sentralbyrå, Oslo 1999.
|
