Sindre krins

I 1861 vart den delen av Markane som høyrde til Innvik herad i Faleide krins og Jutledalen, Øen og Utigard Maurset slegne saman til Sindre krins. Denne krinsen er ein del av Stryn kommune (tidlegare Innvik kommune). Skulen i Sindre krins var lagt ned i 1878. Etter dette gjekk borna først på skule i nabokrinsane. I 1924 vart Sindre skule etablert på nytt, men då utan eige skulehus. Det var halde skule først i hovudhuset så i stabburet på garden Flore fram til og med skuleåret 1949/50.

Skulehus

Sindre skule

• Byggeår: 1863
• Fungerte som skule: 1863-1878
• Anna bruksområde: Skulehuset vart seld til Lødemel krins. Det var rive og køyrd til Lødemel og sett opp igjen der. I 1952 var huset seld på auksjon, rive og tømmeret vart brukt til eit hus i Volda.

Lærarar

Namn	Fødd	Tilsett år	Slutta år	Utdanning frå	Merknad
Olina Beinnes	1895	1924	?	Volda lærarskule (1924)	Også lærar i Tisthamar og Blakset (1924-1934), og ved Olden skule (1934-).
Ivar Holmøy	1900	?	?	Stord seminar (1925)	Lærar i Selje 1929-1947, lærar i Sindre og Faleide etter dette.
Matias Skrede	1903	?	?	Volda lærarskule (1924)	Lærar i Faleide og Sindre krins, sidan i Utvik krins.

Kjelder og litteratur

Prenta kjelder

• Kåre Nygård (red) (2006) Skulehistorie for Innvik og Stryn kommunar 1739-2000
• Norske skulefolk. Utg. Dreyer. 1952. Digital versjon på Nettbiblioteket.
• Norske skulefolk. Utg. Dreyer. 1952. Digital versjon på Nettbiblioteket.
• Dagbok for Faleide skule, Sindre skule, Aarholen skule og Aufleim skule, 1890-1904
• Dagbok for Innvik krins, Blakstad krins og Sindre krins, 1920-1950
• Dagsjournal for Faleide skule, Rake skule (Markene krins) og Sindre krins, 1864-1877
• Dagsjournal for Faleide skule, Sindre skule og Aufleim skule, 1878-1899
• Skuleprotokoll for Faleide krins, Rakle krins, Markene krins og Sindre krins, 1862-1877
• Skuleprotokoll for Faleide krins, Sindre krins, Auflem krins og Aarholen krins, 1878-1895
• Skulestorbok for Innvik småskule, Blakset krins og Sindre krins, 1920-1950