Brukskunst (foretak)
AS Brukskunst var ei brukskunstforretning på Aure i Sykkylven. Forretninga vart skipa i 1972, og var slik namnet seier, ei forretning for brukskunst. Men i same lokale var det og salsutstilling av kjøkkeninnreiingar og bygningskontor for Stranda Bruk A/S. Firmaet hadde alt då gode forretningssamband i inn- og utland, og kunne såleis tilby ein del ekstra og sjeldne varer.
Etter kvart vart det slik at salsavdelinga til Stranda Bruk A/S vart nedtrappa, og brukskunstavdelinga ekspanderte tilsvarande. Eigarane ønskte då å selje firmaet, og Irene og Leiv Drotninghaug kjøpte aksjane i 1978.
Irene Drotninghaug hadde arbeidd i firmaet i fire år, og hadde elles lang røynsle frå liknande arbeid i andre forretningar. Ho overtok som styrar.
Dei nye eigarane dreiv firmaet stort sett i same lei som før: eit utval av brukskunst saman med ein del meir «spesielle» artiklar. I tillegg satsa dei på billegare og vanlege bruks- og pynteting. A.S Brukskunst hadde eit assortert vareutval som femna om mange prisklasser.
Kring 2000 selde Irene og leiv Drotninghaug verksemda. I nokre år framover dreiv Jan Kåre Rønning eit utsal av pynte- og bruksgjenstandar i dei same lokala.
Kjelde:
- Jon Hole: Handelsnæringa i Sykkylven. Sykkylven 1982.