Apalstovegen

Apalstovegen er ein 770 meter lang smal blindveg i Tveitgrendi i Kviteseid kommune som går vestover frå Sandoddvegen til plassen Apalstoi heilt aust i Bandak.

Apalstovegen sett frå Sandoddvegen.

Foto: Roy Olsen (2021).

Vegen har namn etter husmannsplassen øvre Apalstoi.

Det var to Apalstoi-plassar, ein nedre, under Brauti øvre (gnr. 30/1) og ein øvre, under Utbøen (gnr. 31/1). Om øvre Apalstoi skriv Olav Bakken i Gardssoga (s. 140):

Apalstoi er ein gamal plass. I 1801 bur husmann Gunnar Aslakson her ‏(36 år)‏ og Gunhild Halvorsdtr. ‏(21 år)‏. Der var brygge og stoppestad og gjestgjeveri i Apalstoi. Dei siste som budde der var Eivind og Susanne Apalstoi til 1929. No vert plassen nytta til hamn.

Kilder

• Kartverket, norgeskart.no
• Bakken, Olav: Kviteseid bygdesoge II, Gardsoga. Eigi forlag 1962.