Borsholm krins

Borsholm krins i Hyllestad kommune oppstod første gongen i 1893-1900, då vart det fatta vedtak om å slå saman skulekrinsane Skivenes og Åsmul med skulestad på Åsmul. I 1900 vart Borsholm igjen delt i dei gamle krinsane Skivenes og Åsmul. I 1929 vart dei to krinsane på ny samla i Borsholm krins. Det vart bestemt at det skulle byggast skulehus midt i krinsen, på Borsholm. I 1958 var Storaker krins lagt ned og elevane flytta til Borsholm krins.

I 1965 vart Borsholm krins lagt ned og elevane sendt til Skifjorden.

Skulehus

Borsholm skule

• Byggeår: 1907 (Hatlem krins frå 1907 til 1928)
• Fungerte som skule: 1907-1928 (Hatlem). 1929-1965 Borsholm.
• Anna bruksområde: Fritidsbustad

Skuledagen

Elevane gjekk på skule i to veker og hadde fri i to veker. Kvar dag starta med salmevers og vart avslutta med Fager kveldssol smiler. Det var mykje pugging i skulen på 30-talet og ein vart straffa med skammekrok eller opphald på gangen om ein ikkje kunne leksa. Ein fekk karakterar i alle fag frå første året på skulen. Dette endra seg gradvis over tid. I det lange friminuttet midt på dagen leika borna mellom anna slåball, hauk og due, siste par ut, sprette pinne og slå på ring.

Fram til 1951 var Borsholm skule samla. Frå 1951 til 1961 var han todelt, deretter samla fram til siste skuleåret, 1964/65, då den igjen var todelt. I 1961 vart 4. og 5. skuledag innført, og elevane fekk denne ekstra undervisninga ved Skifjord skule.

Lærarar

Frå 1930 til langt ut på 1950-talet var det same lærar som underviste 14 dagar på Borsholm skule og 14 dagar i Storakersund. Læraren tok med seg skulekista og anna utstyr og flytta mellom skulane.

Etternamn	Fornamn	Fødd	Skule	Tilsett år	Slutta år	Utdanning frå	Merknad
Øen	Jens		Borsholm skule	1944	1945
Åsmul	Georg		Borsholm skule	1945	1946
Kvammen	Mateus		Borsholm skule	1946	1947
Kvamme	Alvhild		Borsholm skule	1947	1948
Tuland	Anne Lise		Borsholm skule	1948	1949
Bjelkerøy	Didrik		Borsholm skule	1949	1950
Rutle	Odd		Borsholm skule	1950	1951
Lunde	Njål G.		Borsholm skule	1951	1952
Holten	Oddlaug		Borsholm skule	1952	1955
Sørebø	Signy		Borsholm skule	1955	1956
Sørebø	Svanhild		Borsholm skule	1959	1961
Søfteland	Rune		Borsholm skule	1956	1958
Sørebø	Signy		Borsholm skule	1958	1959
Leirpold	Asbjørn		Borsholm skule	1961	1962
Bygnes	Per		Borsholm skule	1962	1963
Tonning	Sigbjørn		Borsholm skule	1963	1964
Bjergene	Kjellaug		Borsholm skule	1964	1965
Ytrefjord	Gjertrud		Borsholm skule	1937	1944
Risnes	S.E.		Borsholm skule	1933	1936		Gunnar Risnes (2012) Borsholm skule 1930-1965, Sogeskrift frå Hyllestad / Fylkesarkivet i Sogn og Fjordane
Øen	Finn		Borsholm skule	1936	1937		Gunnar Risnes (2012) Borsholm skule 1930-1965, Sogeskrift frå Hyllestad / Fylkesarkivet i Sogn og Fjordane

Kjelder og litteratur

Prenta kjelder

• Per Bygnes (2010) Borsholm skule skuleåret 1962/1963. Sogeskrift frå Hyllestad 2010.
• Gunnar Risnes (2012) Borsholm skule 1930-1965. Sogeskrift frå Hyllestad 2012.
• Fylkesarkivet i Sogn og Fjordane: Skulestyreprotokollar og skuledagbøker frå Hyllestad kommune.
• Karakterprotokoll for Storaker, Aasmul, Borsholm, Skivenes og Sandnes skoler, 1889-1909. Digital versjon på Digitalarkivet.no.
• Karakterprotokoll for Storaker, Borsholm, Skivenes og Krakken, Aasmul, Skivenes og Sandnes skoler, 1870-1888. Digital versjon på Digitalarkivet.no.
• Dagbok for Storaker, Aasmul, Skivenes, Borsholm og Sandnes skoler, 1883-1899. Digital versjon på Digitalarkivet.no.

Ikkje-prenta kjelder

• Samtale med Per Bygnes