Hamre kommune

Hamre kommune i Hordaland vart oppretta som Hammer kommune i 1885, då Hammer og Hosanger kommune vart delt i tre. Namnet vart endra til Hamre i 1915. Namnet kjem frå tettstaden Hamre.

I 1903 vart Åsane sokn utskild som Åsane kommune, som no er ein del av Bergen. Eit mindre område vart overført til Åsane i 1914, og Hamre kommune svara då i store trekk til Hamre sokn vest på Osterøya, med eit areal på 81 km².

I 1964 vart den nordre delen av Hamre innlemma i Lindås kommune, og den søndre i Osterøy kommune. Det var då 2572 innbyggjarar i Hamre.

Litteratur

• Juvkam, Dag: Historisk oversikt over endringer i kommune- og fylkesinndelingen, Statistisk sentralbyrå, Oslo 1999.
• Hamre - tidligere kommune i Hordaland i Store norske leksikon.