Loftsgardsgrendi (veg i Seljord)

Loftsgardsgrendi er ein gardsveg i Loftsgardsgrendi i Nordbygdi i Seljord kommune som slyngjer seg i bratt lende nordover frå Nordbygdivegen og endar ved den tidlegare garden Kodde vestre (gnr. 37/1). Det går sidegreiner til gardane Loftsgarden midtre (gnr. 34/3) og Li øvre (gnr. 32/1). Utanom sidegreinene er vegen kring 1,7 kilometer lang. Han går gjennom jordbrukslandskap og har ei stigning på 175 meter.

Loftsgardsgrendi med husa på garden Loftsgarden søndre, Sudistugo.

Foto: Roy Olsen (2018).

Vegen har namn etter grenda og vart namnsett i 2005.

Kjelder

• Kartverket, norgeskart.no