Skifjord skule

Skifjord skule ligg på Bjørnestad i Skifjorden i Hyllestad kommune.

Skifjord skule.

Foto: Sigrun Espe/Sogn og Fjordane fylkeskommune (2016)

Skulekrins

I 1965 vart Borsholm krins og Skifjord krins slegne saman, med skulestad Skifjorden. Dette skulehuset fungerte som skule fram til 1993. Frå skuleåret 1993/94 vart Skifjord krins slegen saman med Øen krins, og elevane vart flytta over til Øen skule.

Skulehus

Skifjord skule vart opna i 1955. Før dette vart det halde skule i Skifjord bedehus. Grunnen der skulen står, vart kjøpt allereie i 1947, men først i 1953 starta arbeidet med å bygge skulehuset.

Anna bruksområde

I nokre år på 1990-talet dreiv Skifjord husmorlag privat barnehage i huset. Etter at Skifjord grendalag overtok huset, er det bygd eit tilbygg i aust, på 3,6m x 6,3m, som inneheld nytt kjøkken.

Kjelder og litteratur

Prenta kjelder

Heim og skule, Nr 1, April 1956

Digitale kjelder

Tidlegare Skifjord skule, Kulturminnesok.no