Tokke historielag

Tokke historielag er eit historielag i Tokke kommune i Telemark. Eit interimsstyre byrja arbeidet i september 1978, men det fyrste ordinære styret vart valt 31. mai 1979. Laget har gjeve ut årsskrift sidan 1980.

I 2019 hadde historielaget 151 medlemer. Medlemstalet har vore nokolunde stabilt, men ein strevar litt med å få med yngre personar.

Lovar

I lovane for historielaget heiter det i § 2: «Føremålet til laget er: a) Å arbeide for at alt av historisk interesse innan kommunen vert teke vare på og verna om. b) Å vekkje, auke og spreide interesse for og kunnskap om Tokke kommune».

Leiarar

Olav Grimdalen 1979-1992, tok også initiativet til å skipe historielaget, sat som leiar til han var 90 år gammal.
Arne O. Lie 1993-1996
Bjørn Andersson 1997-1998
Sigrun Lie Brattekås (fungerande leiar 1999, 2001 og 2002)
Tarjei Førstøyl (fungerande leiar 2000)
Bjørn Andersson 2003-2006
Dagfinn Midtbø 2007-2013
Einar Heggtveit 2014-2015
Gunnar Grøstad Johnsson 2016-

Hovudaktivitetar/publikasjonar

Hovudaktiviteten har vore å oppfylle målsettinga om å gjeva ut eit årleg årsskrift. Dette har kome ut kvart år frå 1980. Elles har Tokke historielag gjeve ut desse bøkene:

Aabø, Arne T.: Var det kje moro? blenk frå soga til idrottslaget Teledølen i Lårdal. Utg. Tokke historielag. 2003. 40 s. Særprent av årsskriftet til Tokke historielag 2003.
Broe, Unni: Under tak i Tokke : sluttrapport frå kulturminneregistreringane i Tokke. Utg. Tokke kommune, Tokke historielag. 1986. 182 s.
Dalen og Dalen hotel : festskrift ved Telemarkkanalens 100-års jubileum : 1892-1992. Utg. Tokke historielag. 1992. 109 s. ISBN 8299119723. Digital versjon på Nettbiblioteket.
Hedlund, Gerhard (red.): Folk og gamp : hestemarken på Dalen. Utg. Tokke historielag. 1990. 93 s. ISBN 8299119715. Digital versjon på Nettbiblioteket

Kjelder og litteratur

Opplysningar frå laget, 2019 (Landslaget for lokalhistorie si lagsundersøking).

Eksterne lenker

Første versjon av artikkelen er henta fra Preus museums register over norske fotografer.
Tokke kommune, Tokke historielag på Digitalt museum.
Tokke kommune, Tokke historielag på KulturNav
Historielaget på Facebook