Vegheim herberg og kafé
Vegheim herberg og kafé låg i krysset til Øyfjell i Høydalsmo sentrum i Tokke kommune. Her dreiv Gunnhild Trøen kafé og overnatting på 1930- og 40-talet.
Historikk
Bustadtomti til Vegheim vart bortbygsla frå John H. Ofte til sonen Halvor J. Ofte i 1929. Halvor bygde huset som står her i dag, men han budde her aldri sjølv. I staden overtok Anne Trøen eigendomen i 1935. Då Anne døydde i 1945 var det dottera Gunnhild Trøen som overtok.[1]
I ei gjestebok frå Vegheim herberg og kafé er den fyrste innførsla datert 17. juni 1938 og den siste i 1948.[2] I Vegviser for Lårdal og Mo herad frå 1950-talet står det ei annonse for overnattings- og serveringsstaden.[3] Kor lenge verksemda varte utover dette er usikkert.
Vegheim hadde tre soverom i andre etasje.
Gunnhild Trøen døydde barnlaus i 1989.
Arkiv
Ei gjestebok frå Vegheim herberg og kafé vert oppbevart ved Vest-Telemark Museum. Sjå lenke til oppføring over arkivet på Arkivportalen.
Referansar
Kjelder
- Bangen, O. (red.), Vegviser for Lårdal og Mo herad, Skien, 1950. Lenke til digital utgåve hjå Nasjonalbiblioteket.
- Førstøyl, Tarjei, Lårdal ætt og heim, Høydalsmo sokn, Band 1, Tokke kommune, Lårdal bygdesogenemnd, 2014.
- Gjestebok for Vegheim herberg og kafé.