Vråliosvegen
Vråliosvegen i Vrådal i Kviteseid kommune går vestover frå Kviteseidvegen gjennom Vrådal sentrum og fylgjer nordsida av Vråvatn til kommunegrensa mot Tokke. Han er 22 kilometer lang og er ein delstrekning av fylkesveg 38.
Vegen har namn etter plassen Vråliosen eller grenda Vråliosen.
Plassen Vråliosen (Osen) (gnr. 7/1) ligg like i enden av Vråvatn. Her var brygge for dampbåten «Nissen» som kom i 1867. Året etter vart det bygd sluse ved Storstraumen, så «Nissen», og seinare «Dølen», kunne gå i rute mellom Vråliosen og Tveitsund (Treungen). Etter at bilferdsla auka, måtte båtlaget gje opp i 1930-åra.
I 1863–64 starta Tor P. Flatland landhandel på plassen. I 1870 overtok broren, Mikkel P. Flatland. Han flytte frå Vråliosen i 1876, men kom attende i 1886. Da dreiv han igjen landhandel og sette opp fleire hus, mellom anna eit stort hotell. Han hadde og skyss-stasjon. Ikring 1920 vart Vråliosen overtatt av sonen Petter N. Flatland.
Galleri
Vråliosvegen 56, «Bøen».Foto: Roy Olsen (2021).
Vråliosvegen 58, «Trudvang».Foto: Roy Olsen (2021).
Vråliosvegen 59, «Furubø».Foto: Roy Olsen (2021).
Vråliosvegen 62, «Elverhøi».Foto: Roy Olsen (2021).
Vråliosvegen 64, «Petersborg».Foto: Roy Olsen (2021).
Vråliosvegen 65, «Eidsto 4».Foto: Roy Olsen (2021).
Vråliosvegen 66, «Pettersborg III».Foto: Roy Olsen (2021).
Vråliosvegen 470, Vrådal kyrkje frå 1886.Foto: Roy Olsen (2021).
Kilder
- Kartverket, norgeskart.no
- Bakken, Olav: Kviteseid bygdesoge II, Gardsoga. Eigi forlag 1962.