Anders Christenson Ormbergstøl: Forskjell mellom sideversjoner

Faren [[Christen Andersson Ormbergstøl]] var formannskapsmedlem frå kring 1840 og i fleire år, og han var sentral i bygdestyringa. Det same vart Anders Ormbergstøl. Han var [[Ordførarar i Jostedal kommune|ordførar i Jostedalen]] i tre periodar, ei kort tid i 1876, 1879-1880 og 1883-1896. Etter dette tok sonen [[Kristen Andersson Ormbergstøl]] over vervet. Ordførargjerninga til Anders Ormbergstøl markerte eit tydeleg skifte i det politiske livet i Jostedalen. Tidlegare hadde gjerne sokneprestane vore ordførarar, berre avbrotne av korte periodar der gardbrukarar hadde ombodet, oftast fordi det gjekk ei stund frå den eine presten drog frå bygda til den neste kom. Men då Ormbergstøl vart ordførar i 1883, avløyste han den aller siste presten i Jostedalen som var ordførar ([[Anton Hansen]]). Ormbergstøl innleidde såleis ein ny fase der det var gardbrukarar og i kortare periodar klokkarar og lærarar som hadde ombodet. Han var òg ein av ordførarane i Jostedalen som sat lengst.