Bernt Lund (1812–1885): Forskjell mellom sideversjoner

== Familie ==

<onlyinclude>Foreldra var Ole Bergersen Lund (1769-1835) og Kassi Danielsdotter fødd Dahl (1780-1865). Dei åtte og dreiv garden Vestre Lunden (gnr. 50.1) på [[Braskereidfoss]] i Våler. Ole Bergersen var også tømmermerkar. Familien tilhøyrde det som er vorte kalla eit kondisjonert miljø av storbønder i Våler (Geir Vestad). I følgje [[Alexander Bugge]]s bygdebok for Våler var Ole Bergersen «en interessert og opplyst mann». Men han ville ikkje leve som vanleg bonde, «men som herremann».</onlyinclude>  

Bernt og Abel Marie Isachsen Lund fekk borna Alf Lund (generalmajor) og Ole Wilhelm Lund (oberstløytnant). (Fleire born?)

== Utdanning ==

Bernt Lund fekk som barn privatundervisning i Våler og på [[Elverum]]. Han gjekk ei stund på [[Katedralskolen i Christiania]] og på [[Borgerskolen]] der, men vart ført fram til artium ved [[prost P.V. Deinbolls institutt]] i [[Løten]]. Han var hjå Deinboll frå 1829, og vart student i 1831. I tre år studerte han teologi. I den tida arbeidde han også som lærar ved [[Christiania Søndagsskole]], og han laga lærebøker i rekning til bruk i undervisninga der.  

== Offiser og ingeniør ==

Lunds militære løpebane kan samanfattast slik:

*[[Sekondløytnant]] i kavaleriet frå 20. februar 1838.

Vegingeniørverksemda vart eigentleg hovudyrket til Lund. I 1847 var han engasjert i oppmåling i samband med veganlegget over [[Hemsedalsfjellet]] mellom [[Hallingdal]] og [[Lærdal]]. Som ingeniør tok han for alvor til i 1853, og heldt fram med dette til 1878. Lund har offentleggjort faglege arbeid mellom anna knytta til vegen gjennom [[Rennebu]] og [[Oppdal]] (1859) og ved [[Flisa]] (1862).

== Kunstmålar ==

I si løytnantstid utdanna Lund seg til kunstmålar. Han fekk frå 1840 undervisning av [[Thomas Fearnley]] (1802-1842), som elles sjølv hadde gått Krigsskolen. I to år frå 1843 hadde Lund permisjon med lønn frå si militære stilling, og med tillegg av eit offentleg stipend kunne han nå vidareutvikle seg fyrst og fremst som landskapsmålar i utlandet. Han var i Sverige, Danmark og Frankrike, men mest ved akademiet i Düsseldorf. Der lærde han å kjenne [[Hans Gude]], som han vart inspirert av i si landskapskunst. Lund og Gude drog på studiereise saman på Vestlandet i 1849. Lund var også i si kunst sterkt påverka av akademiprofessor Schirmer i Düsseldorf.

Saman med kona måla Lund altartavla i [[Våler kirke (Hedmark)|Våler kyrkje]], ''Jesus i Getsemane'', som gåve til kyrkja i 1865. I [[Nasjonalgalleriet]] er Lund representert med landskapet ''Fra Ulvik'' (1851).  

   

== Forfattar ==

I andre halvparten av 1840-talet oppheldt Lund seg mest i Kristiania. Der var han mellom anna med i ein krins av litteratar i selskapsklubben [[Tollekniven]]. Ein av medlemmene i Tollekniven, [[Nikolai Ramm Østgaard]], kjende Lund til frå barndomens heimetrakter. Dei var jamgamle, båe studentar frå 1831, og hadde sannsynlegvis gått saman på prost Deinbolls institutt i Løiten.

{{DEFAULTSORT:Lund, Bernt}}

[[Kategori:Forfattere]]

[[Kategori:Kunstmalere]]

[[Kategori:Offiserer]]

[[Kategori:Ingeniører]]

[[Kategori:Fødsler i 1812]]

[[Kategori:Dødsfall i 1885]]