Christian Bastholm Heltberg: Forskjell mellom sideversjoner

'''Christian Bastholm Heltberg''' (fødd 26. juli 1809 i Bjørnør, Sør-Trøndelag, død 17. oktober 1871 i Romedal) vart student i 1830 og tok teologisk embetseksamen 15. september 1836. Heltberg vart utnemnd til personleg kapellan i Stange 30. mars 1836.

2. august 1846 heldt Heltberg si fyrste gudsteneste i Jostedal kyrkje etter å ha vorte utnemnd til sokneprest i Jostedalen 29. november 1845.<ref>Kallsboka, fol. 33b. Lampe 1896, s. 6, og Øyane 1994, s. 336, skriv at han vart utnemnd 29.10.1845</ref> I Heltberg si tid vart dei økonomiske tilhøva i sokneprestembetet mykje ordna. Heltberg fekk gardbrukarane til å binde seg og etterkomarane til å betale smørtienda in natura, ikkje i pengar slik det hadde vore sidan 1802 i forliket som presten Johan Henrik Lind fekk i stand. Viktigare var det likevel at ein kongeleg resolusjon 22. april 1852 slo fast at soknepresten årleg skulle motta 200 spesidalar frå Opplysningsvesenets fond. Prosten i Indre Sogn, som var sokneprest i Aurland, medverka kraftig til å få denne ordninga i stand.<ref>Kallsboka, fol. 33b, jf. Øvregard 2010, s. 185-186</ref>  

Som dei to forgjengarane var Heltberg ordførar i Jostedalen, fyrst i perioden 1847-1849, og så 1851-1852.  

Heltberg heldt avskilstala si i Jostedalen 10. juli 1853 etter å ha vorte utnemnd til sokneprest i Nesset. 29. september vart han òg prost i Romsdals prosti. 14. mai 1864 vart han så sokneprest i Romedal der han budde resten av livet.