Doro Heyerdahl: Forskjell mellom sideversjoner

Doro Heyerdahl var dotter av prost [[Nils Roth Heyerdahl (1862-1956)|Nils Roth Heyerdahl]] (1862-1956) og [[Alette Aagaard Hansen Heyerdahl|Alette fødd Aagaard]] (1862-1957). Doro hadde barndomen og oppveksten sin fleire stader i landet ettersom faren hadde prestekall. Dei fyrste fire åra på Voss (til 1898), 1898-1910 i [[Sandeherred]] i Vestfold (Sandar, nå i [[Sandefjord kommune]]), og frå 1911 i [[Telemark]]. Faren vart sokneprest i [[Atrå]] i [[Tinn kommune]] frå 1911 og i [[Holla kommune|Holla]] frå 1918. I Telemark stod norskdomsrørsla sterkt, og Doro Heyerdahl let seg inspirere av dette i yrkesval og livsorientering. I si knappe og telegramstilprega eigenomtale i boka frå 25-årsjubileet for studentane frå 1914, passar ho på å få med at ho hadde vore formann i [[Atrå frilynde ungdomslag]] og i [[Holla norskdomslag]]. Ho var heilt sikkert påverka i den retninga også av foreldra sine, særleg av faren. N.R.Heyerdahl fekk tidleg ei sterk interesse for norske dialekter og for det nye landsmålet.

Ho tok examen artium i [[Kristiania]] 1914 (språkleg-historisk linje ved [[Frogner Skole]]). Deretter vart det førebuande prøver ved universitetet i latin, gresk og filosofi (1915-1917). I 1919 avla ho lærarprøve for studentar ved [[Oslo lærerskole|Oslo lærarskule]]. Sine fyrste år som lærar hadde Heyerdahl på fleire skular i Holla 1919-1922, og året etter ved [[Buskerud folkehøgskule]]. Året 1923-1924 las ho norsk og historie ved universitetet. Eit par års tid deretter vikarierte ho på ulike stader, mellom anna på Toten og i Skjåk. Hausten 1927 byrja ho i fast stilling ved Lom og Skjåk framhaldsskule. Med eit års permisjon derifrå tok ho vidareutdanning ved [[Lærarhøgskulen i Trondheim]] (1931-1932). Litteraturvitaren [[Inger Heiberg]], som kjende Doro Heyerdahl personleg frå tida i Lom og Skjåk, nemner i samband med ei omtale av lærarane framhaldsskulen der: «Særlig Doro hadde noe avvæpnende og fritt i sitt vesen som var fremmed i Lom. Smilende, lett og glad utleverte hun seg helt til sine elever, gjorde alt hun kunne for å skape kontakt.» Heiberg skriv dette i si bok om diktaren [[Tor Jonsson]] frå Lom. Ho framheld at Doro Heyerdahl betydde mykje for den unge diktaren.