Eigarar av Jostedal kyrkje

Kyrkjeeigarar i Jostedalen

Dette er ei liste over dei private eigarane av Josetdal kyrkje frå kyrkjesalet kring 1723

til kommunen fekk hand om den siste eigarparten i kyrkja i 1909.

I samband med reformasjonen la kongemakta alt kyrkjegods under seg. I 1720-åra vart så dei

aller fleste landkyrkjene auksjonerte bort til private. Jostedal kyrkje vart òg seld, truleg

i 1723.

År	Eigar(ar)	Merknader
Ca 1723-1726	Henrik Nitter	Skøyte 11. august 1725 utferda til Nitters arvingar
1726-1751	Hans Wiingaard	Skøyte 2. november 1726
1751-1762	Ole Anderson Åsen, John Erikson Nedrelid og Henrik Anderson Kreken	Skøyte -, 22. juli 1751
1762-1785	Otto Olson Grov	Skøyte 19. juli 1762
1785-1793	Nils Larson Li og Erik Anderson Åsen	Skøyte 1. juni 1785
1793-ca 1833	Johannes Asbjørnson Hus	Skøyte 3. juni 1793. Det er rimeleg å tru at kyrkja vart seld då Hus døydde i 1833
Ca 1850-1891/1909	Hans Rasmussen Hellegaard og Tøger Larson Kruna	Sjå nedanfor
Frå 1891/1909	Jostedal kommune	Sjå nedanfor

Etter Johannes Asbjørnson Hus vart det ikkje utferda skøyte på kyrkja, så det er uklart kven

som har vore eigarar. Truleg har det vore noko ein ikkje kjenner til frå Hus døydde i 1833

til Hans Rasmussen Hellegaard kjøpte ein eigarpart. Det gjorde han truleg mellom 1844 og 1856

då han var eigar av Hellegård. Han åtte 11/12 av kyrkja, og den siste tolvdelen åtte Tøger

Larson Kronen utan at me veit når han fekk hand om denne eigarparten. Det var fyrst etter at

han døydde i 1909 at kommunen fekk kjøpt den siste parten i skifteoppgjeret.

Litteratur

Øyane, Lars E. (1994). Jostedal sokn. Gards- og ættesoge for Luster kommune. (Bd. 5).

Gaupne: Luster kommune, s. 325.

utgåve, NBdigital])

Øvregard, Kåre, Asbjørg Ormberg, og Oddmund L. Hoel. (2010). Jostedal kyrkje. Fakta, segn og

soge gjennom 350 år. Leikanger: Skald forlag, s. 68-69.