Førde (tettstad)

Førde i 1948, før den store veksten byrja.

Foto: Nasjonalbiblioteket

Førde er administrasjonssenteret i Førde kommune, Sunnfjord i Sogn og Fjordane. Tettstaden, som har 10 099 innbyggjarar (2013), er den største i fylket. Førde er eit regionsenter for både handel, utdanning, administrasjon og helsetenester og husar mellom anna avdeling av Høgskulen i Sogn og Fjordane, vidaregåande skule, sjukehus og sjukehusadministrasjon (Helse Førde). Hovedkontoret til NRK Sogn og Fjordane ligg i Førde, og lokalavisa Firda kjem ut her.

Førde sentrum ligg på båe sider av elva Jølstra og er knytt saman med Langebrua, Storehagen bru og Hafstadbrua. I sentrum finn ein til dømes Førde kyrkje og Sogn og Fjordane Kunstmuseum. Sidan slutten av 1980-åra har sentrum vore prega av store handelshus, og på Kronborg har det kome fleire store butikkar. Førde er dessutan kjent som «bilbyen» i Sogn og Fjordane, av di det ligg mange bilbutikkar her.

Sidan 1960-talet har Førde vore i sterk vekst, mellom anna fordi Distriktenes Utbyggingsfond peika ut staden som såkalla vekstsenter i eit Indre Sunnfjord med kraftig nedgang i folketalet. I 1971 vedtok Ankerløkken Verft å byggje eit nytt storverft her, som på det meste sysselsette 400 personar. I 1979 kom sentralsjukehuset, som er den største arbeidsplassen i fylket.

Førde ligg ved elva Jølstra.

Foto: Nasjonalbiblioteket (1960).

Det er vedteke at Førde blir administrasjonssenter i den nye storkommunen i Indre Sunnfjord, som blir danna når Førde, Jølster, Gloppen og Naustdal går saman i 2020.

Kjelder og litteratur

• «Vekstsenteret Førde» på Allkunne
• «Førde tettsted» i Store norske leksikon

Bilete

Fil:Førde kirke - no-nb digifoto 20150121 00051 NB MIT FNR 19635.jpg|Førde kyrkje. Fil: