Fardal skule

Fardal skulehus.

Framnes skulehus var bygd 1892 og vart rive 1908. Huset er borte og skulestaden flytta til Fardal. Fardal skulehus er bygd 1908. Nedlagd som skule 1957 og er i 2011 grendehus.

Fardal skulehus (Olav Momrak-Haugan 2007)

I Fyresdal kommune er det ei lang rekke skulehus som kvar for seg ber preg av den perioden dei vart bygd i. Det er mellom anna ein periode der skulestove og bustad for lærar båe får inngang frå eit langsgåande bislag utanpå bygningen. Slik er Hauggrend skulehus som er bygd 1900 med skulestove og to rom for lærar, og likeeins Fardal skulehus bygd 1908 med skulestove og to rom for lærar. Truleg etter ein av Binneballes typeteikningar.

Breivik skulehus er gått attende til garden det vart utskilt frå. Vestkanten Grendelag omfattar både tidlegare Breivik skulekrins og Framnes/Fardal skulekrins. Vestkanten grendelag er eit sers aktivt grendeleag som har Fardal skulehus som grendehus. Ei ekstern lenke til grendelaget fortel mykje om skulehuset og arbeidet kring dette.

Kjelder

• Skulen i Fyresdal i 250 år 1739 – 1989. Fyresdal skulestyre 1989.

Ekstern lenke: Vestkanten grendelag.