Fel-Jakup: Forskjell mellom sideversjoner

Faren gifta seg allereie året etter med ei anna kvinne, Marit Arnesdotter (fødd 1802).<ref>[http://www.arkivverket.no/URN:NBN:no-a1450-kb20070603510208.jpg Vigselsinnførselen i kyrkjeboka for Lom]</ref> Han hadde da skifta teneste og heldt til på ein av Bøje-gardane. Om vi har lese rett, er brura oppført i kyrkjeboka som «Hmd. under Skrinde» dvs. husmann. Det må ha vore høgst uvanleg for ei ugift 20 år gammal jente. Husbondsgarden Skrinde ligg like i nærleiken av garden der Ola tente. Sidan slo dei to seg ned på plassen Ulen under Marlo, der Ola Hansen truleg var fødd og oppvaksen.<ref>Kleiven, I. 1915 side 337.</ref> Vi finn Marit Arnesdotter som enkje og føderådskone i Ulen hjå sonen og hans familie i folketeljinga 1865.<ref>[http://digitalarkivet.arkivverket.no/ft/bosted_land/bf01038057000667 Folketeljinga 1865 for Ulen]</ref> Faren og stemora til Jakup fekk i alt åtte born saman, som altså vart halvsyskena til Fel-Jakup. Ein av gutane, Hans (i ætteboka omtala som Hans Henrikstugun, fødd 1825), vart far til den seinare lensmann og stortingsmann [[Johannes Kummeneje]].  

Kleiven fortel at Marit og Ola fort vart usams, og at dei levde kvar for seg. Da Marit vart gammal budde i fjøset på Nordistun Skamsar. Kleivens opplysningar blir på dette punktet stadfesta i folketeljinga 1865. Der er Ola markert som gift (ikkje enkjemann), medan kona er ikkje registrert i teljinga på same staden. Ei Marit Jacobsdatter i passande alder er derimot oppført som inderst og alminneleg arbeidar nettopp på «Nordre» Skamsar, ein gard som ligg i same grenda som Bruheim, Harsheimlia og Flåtålia.<ref>[http://digitalarkivet.arkivverket.no/ft/person/pf01038057003414 Folketeljinga 1865, innførsel om Marit Jakobsdatter i ]</ref> I sivilstandrubrikken er ho markert med ein F for «fraskilt». Utan rimeleg tvil må dette vere Sigrid-Marit mor til Fel-Jakup.

Skilsmålet mellom henne og mannen kan kaste eit visst ljos over Kleivens elles noko ublide omtale av henne: Ho var «paa mange maate reint ut eit stort troll. Ho var kveksot og sinnt og o-vøren, difor ha ho vandskeleg for aa komaa se med folk, kvar ho for, og ingen brydde seg um ho hell ha nogo teovers for henne». Dette tykkjest stå i sterk motstrid til kva ein annan lokalhistorikar skriv om henne: «Dæ va ei som ikje gjorde mykjy ståk der ho for, og flittog og uppriktog va ho stødt.» Det er Ola Løkre (Ramstad) som skriv dette. Han var fødd i 1846, voks opp i Bruheimsgrenda og kjende personleg godt til både Fel-Jakup og familien. Det er vel ikkje så sikkert at Sigrid-Marit tykte livet hadde gjeve henne så mykje å vera blid og mild og snill for.