Fyresdal folkebibliotek: Forskjell mellom sideversjoner

'''Tidleg soge'''. Før det vart ei  ordning med offentleg bibliotek hadde enkelte som ville vite litt meir enn det «almueskolen» og læraren der kunne gjeve, fått nytte seg av presten si private boksamling. I dei tider var det nok den som kunn støtte litt opp om kunnskapshungeren jamvel om den  naturleg nok kunne vere prega av teologisk litteratur.  

Prost [[Iver Andreas Teisner]] (1818-1870) var sokneprest i [[Fyresdal]] i tidsrommet 1848-1870. Han var særs dyktig på mange ulike felt, ikkje minst i det kommunale, og hans interesse i det administrative var vidt femnande. I 1854 fekk han oppretta eit «''almuebibliotek''» ved hjelp av eit offentleg bidrag på 25. spd. til å byrje med,  i tillegg til frivillige tilskot frå enkelte menn i  bygda. Sjølv gav han til biblioteket fleire av sine bøker. Frå fyrst av var biblioteket i prestegarden, presten stod då for utlånet og førde tilsyn med bøkene.

Ei tid var biblioteket på [[Folkvang (Fyresdal)|Folkvang.]] Etter om lag 1925 var det på [[Fredtun (Fyresdal)|Fredtun]] i andre høgda der det framleis var på slutten av 1940talet. I 1945 var bibliotekinspektøren i Telemark, Torfinn Skard, der og såg over bøkene. Han sette Olav K. Skrede til å styre biblioteket og dette vart ordentleg, stort og godt. Biblioteket vart opna etter krigen i 1946, dette året var det 76 låntakarar. Ei tid etter krigen var Hjarand Bringa (1920-1966) styrar av Fyresdal folkebibliotek, han var og korrespondent for avisa Varden med initialane HEB.