Gjerde Fabrikker
Gjerde Fabrikker var ein møbelfabrikk i Sykkylven, etablert av Josef Marvin Karlsen Gjerde, (f. 1910 i USA, d. 1999) i 1938. Første tida gjekk bedrifta under namnet Gjerde Trevarefabrikk.
Josef Gjerde var fødd i USA men kom frå Amerika til Jarnes 4½ år gammal saman med mora si. Faren kom heim to år etter. Josef Gjerde reiste i ung alder til Amerika att og var der til 1934. Han byrja i arbeid på fabrikk, men i 1938 var han tilbake i Sykkylven og tok til med eiga verksemd i kjellaren heime. Aksjekapitalen var på 6750 kroner, og den vart fordelt likt mellom fire medeigarar.
Første produkta var klosettseter i tre. Seta vart selde gjennom grossistforretningar i sanitærbransjen. Månadsproduksjonen ved Gjerde-fabrikken kom etter kvart opp i 500 sete.
Alt året etter bygde han eige fabrikkbygg nær tunet. To år seinare bygde han eit større bygg nede ved sjøen, og i 1957 eit anna stort fabrikk bygg i betong. Produksjonen var først stolar, men så gjekk han over til fabrikasjon av glasfiberartiklar saman med broren Konrad Gjerde. Av produkta kan nemnast kasteslukstenger og skistavar.
Vart avvikla i 1976 og Ekornes kjøpte anlegget.