Grusgropa på Bjorli

Grusgropa i 2009.

Foto: Arnfinn Kjelland

Grusgropa er eit større område på Bøvermoen nokre hundre meter søraust for Bjorli stasjon på Raumabanen. Dette var hovudgrustaket for jernbaneanlegget, og her vart det teke ut store mengder grus både under utbygginga og under vedlikehald seinare. Det vart lagt eit sidespor ut i området som grusvognene vart køyrd på. Skiftinga av grustoga gjekk føre seg på stasjonen.

Vognene vart så fylt med handmakt, med skufle eller spade. Kvar mann skulle laste opp to grusvogner a 7,5 kbm i døgnet. «Vart varmen for utåleleg i brennande solsteik, tok somme akkorden sin om kvelden eller natta».

Litteratur

• Audun Einbu 1994: Raumabana 1921-1923-1924-1994. Årsskrift for Lesja historielag s. 45 og 79.