Hans Marius Grimstadmo: Forskjell mellom sideversjoner

Hans Marius hadde dei fyrste barneåra sine dels hjå mor si i Kristiania, dels hjå bestemora i Skjåk. Han kom til Skjåk fyrste gongen da han var 1 ½ år gammal. Da han vart litt større, kunne mor hans ta seg av han att i Kristiania, og han byrja skulegangen på [[Lakkegata skole]] der. Hanna Moe bytte bustad mange gonger så lenge vi kan følgje henne i kjeldene 1898–1906, men berre innanfor dei typiske arbeidarstroka [[Grønland (Oslo)|Grønland]] og Grünerløkka. Det var eit par ulike husnummer i [[Lakkegata (Oslo)|Lakkegata]], det var [[Øvre gate (Oslo)|Øvre gate]] og [[Breigata (Oslo)|Breigata]], og altså [[Helgesens gate (Oslo)|Helgesens gate]] da guten hennar vart fødd. Ho har yrkestittelen «Sypige» eller «Syjomfru» i kyrkjeboka og adressebøkene. I folketeljinga 1900, da bur Hanna i Lakkegata 16, er yrket nærare forklart. Ho syr herreklede (bukser og vestar) for ein kjøpmann som lagerfører varene. Hans Marius er i same folketeljinga registrert hjå bestemora i Skjåk., men kom altså til mor si att da han nærma seg skulepliktig alder.

Før ho kom til Kristiania hadde Hanna vore tenestejente hjå sokneprest [[John Bergquist|Bergquist]] i Skjåk, og ho følgde med prestefamilien da dei flytta til nytt kall på [[Lesja]] i 1892 eller -93. Når Hanna slo seg til i Kristiania har vi ikkje nærare kjennskap til, anna enn at det altså må ha vore før Hans Marius vart fødd i april 1898.

Hans Marius opplever det tragiske at mor hans døyr da han var i niårsalderen. Dødsårsaka er ukjent og tidspunktet usikkert. Det har førebels ikkje lykkast å finne gravferdsinnførsel i kyrkjebøkene. I alle høve kom han nå attende til bestemor si, Mari på Grimstadmoen i Skjåk. Heimen der var ei «snau stugu» utan jord og husdyr. I folketeljinga 1900, da nærmar Mari seg 60 år, er det opplyst at ho livnærer seg som budeie og ved spinning og veving. I neste folketeljing 1910 er ho oppført som dagarbeidar. Etter bestemor si vart Hans Marius jamt kalla Mari-Hans.