Harald Ramm Østgaard (1855–1908): Forskjell mellom sideversjoner

Foreldra var jurist og forfattar, seinare fut, [[Nicolai Ramm Østgaard]] (1812-1873) og Anna Gunhilda (Gunelia) fødd Neergaard (1828–1910). Harald Ramm Østgaard gifta seg i [[Skien]] 9. juli 1881 med Gabrielle Augusta Winsnes, dotter av sokneprest i [[Fron]] Christian Lind Winsnes og Barbra Eleonore Petronelle Kjerulff. Harald og Gabrielle Østgaard fekk fem born, fødde i tidsrommet 1882-1891.  

Harald Ramm Østgaard hadde sine fyrste barneår i Vestre Aker. Da faren vart fut i [[Sør-Østerdal futedømme]] i 1859, flytta familien til [[Elverum]]. Der fekk Harald dels undervisning i heimen av guvernanter, dels gjekk han på privatskule hjå sorenskrivar G.R.Schirmer på Elverum. I 1868 tok han til på latinskulen på [[Lillehammer]], der han gjekk i fire år og tok examen artium i 1872. Våren 1873 tok han andreeksamen ved universitetet, og byrja studere teologi. Familien fekk økonomiske vanskar da faren døydde i januar 1873, og Harald måtte av den grunn førebels gje opp studiane. Han bestemte seg for å dra til sjøs, men fortel sjølv at kvelden før han skulle hyre på, fekk han tilbod om huslærarpost hjå presten Jarmann i Nord-Fron. Harald vart såleis lærar og dreiv også det han sjølv kallar «qvasikapelanvirksomhed» der i to år. Hausten 1875 byrja han igjen på universitetsstudiar i Kristiania, nå jus. Studiane finansierte han dels ved legatmidlar, dels ved lønna arbeid ved sida av. Han tok juridisk embetseksamen i desember 1879.  

{{thumb høyre|NordreOy1.JPG|Garden Nørdre Øy, som Harald Ramm Østgaard åtte. Målarstykke av Astrid Østgaard (1884-1956), dotter av H.R.Østgaard}} Lensmannsdistriktet omfatta den gongen både Lom og [[Skjåk]]. Østgaard kjende etter måten godt til desse traktene gjennom arbeidet sitt i Turistforeininga. Han hadde i det heile teke reist mykje rundt i landet i den tida, og framheldt sjølv «at der mellem Lindesnes og Hammerfest ikke er mange strækninger som han ikke har berørt».<ref>Studenterne fra 1872.</ref> Faren hans hadde også i si tid vore i Lom og skildra besøket i boka ''Fra Skov og Fjeld''. Den nye lensmannsfamilien budde fyrst på gardane Stamstad og Synstad, før Østgaard kjøpte garden Nørdre Øy nedsti [[Bøverdalen]] nær [[Bergom]] (sentrum i Lom).

Østgaard vart verande i lensmannsstillinga i Lom til han døydde i 1908, 53 år gammal. I Lom hadde han elles mange kommunale verv og var engasjert i andre verksemder. Han var i kommunestyret, i likningsnemnda, og var forlikskommisær. Han var kommunens representant i førebuingane til [[Gudbrandsdalsbanen]] i andre halvparten av 1880-åra, og vart medlem i Kristian amts jernbanekomite som representant for [[Nord-Gudbrandsdalen]]. Østgaard var styreformann i [[Lom og Skjåk sparebank]], og medstiftar av og direksjonsformann i [[Loms telefonselskap]].

Østgaard har etterlate seg vers og anna som viser at han var ein habil leilighetsdiktar, helst i familiesamanheng. Ut over dette fortel Østgaard i 25-årsberetninga om studentane frå 1872: ”Uagtet jeg er søn af en digter og muligens kan have været i besiddelse af en liden aare, har min litterære virksomhed indskrænket sig til udgivelse af turistforeningens aarbøger 1881-83; mine øvrige ”opera” henligger i manuskript og vil forhaabentlig og til beroligelse for menneskeheden aldrig se dagens lys.”