Harald Ramm Østgaard (1855–1908): Forskjell mellom sideversjoner

<onlyinclude>{{thumb høyre|HaraldROstgaard.jpg|Harald Ramm Østgaard. Foto: R. Ovesen, Kristiania.}}'''[[Harald Ramm Østgaard]]''' (fødd i [[Vestre Aker]] [[29. januar]] [[1855]], død i [[Lom]] [[1908]]) var cand.jur., sekretær i [[Den Norske Turistforening]] 1881-1884 og lensmann i Lom 1884-1908. I Lom var han aktiv i kommunalt styre og stell, i sparebanken, telefonselskapet o.a., og han med i det førebuande arbeidet for jernbane gjennom [[Gudbrandsdalen]].

<onlyinclude>Foreldra var jurist og forfattar, seinare fut i [[Sør-Østerdal futedømme]], [[Nikolai Ramm Østgaard]] (1812-1873) og Anna Gunhilda (Gunelia) fødd Neergaard (1828–1910).</onlyinclude>

Da faren vart fut i Sør-Østerdal i 1859, selde dei Rosenlund og flytta til [[Elverum]]. Dei budde i følgje folketeljinga 1865 på garden [[Helset]].<ref>[http://digitalarkivet.no/cgi-win/webcens.exe?slag=visbase&sidenr=3&filnamn=f60427&gardpostnr=342&merk=342#ovre Folketeljinga 1865, Digitalarkivet]</ref>  

På Elverum fekk Harald dels undervisning i heimen av guvernanter, dels gjekk han på privatskule hjå sorenskrivar [[G.R.Schirmer]]. I 1868 tok han til på latinskulen på [[Lillehammer]], der han gjekk i fire år og tok examen artium i 1872. Våren 1873 tok han andreeksamen ved universitetet, og byrja studere teologi. Familien fekk økonomiske vanskar da faren døydde i januar 1873. Dei flytta attende til Kristiania, og i 1875 finn vi dei i ein leiegård i Munkedamsv. 31.<ref>[http://digitalarkivet.no/cgi-win/WebCens.exe?slag=visbase&sidenr=7&filnamn=f70301&gardpostnr=1262&personpostnr=37921#nedre Folketeljinga 1875, Digitalarkivet]</ref> Der bur mora som pensjonist, Harald og fire av syskena pluss ei tenestejente.  

Harald måtte i denne situasjonen førebels gje opp studiane. Han bestemte seg for å dra til sjøs, men fortel sjølv at kvelden før han skulle hyre på, fekk han tilbod om huslærarpost hjå presten [[Jarmann]] i [[Nord-Fron]]. Harald vart såleis lærar og vart også sett til det han sjølv kallar «qvasikapelanvirksomhed» der i to år. Hausten 1875 byrja han igjen på universitetsstudiar i Kristiania, nå jus. Studiane finansierte han dels ved legatmidlar, dels ved lønna arbeid ved sida av. Han tok juridisk embetseksamen i desember 1879.  

I 1881 vart Østgaard sekretær i [[Den norske turistforening]] og sat i denne stillinga til våren 1884, da han vart tilsett som lensmann i Lom. Han hadde i tida i Turistforeininga samstundes behalde stillinga i Riksarkivet til i mars 1884.

Den nye lensmannsfamilien budde fyrst på Sygard Stamstad, så på Synstad, som var lensmannsgard under forgjengaren [[Peder Alfstad]]. I 1891 kjøpte Østgaard garden Nørder-Øy nedst i [[Bøverdalen]] nær [[Fossbergom]] (sentrum i Lom). Folketeljinga 1900 gjev oss eit blikk inn i eit «kondisjonert» hushald i fjellbygda.<ref>[http://digitalarkivet.no/cgi-win/webcens.exe?slag=visbase&sidenr=3&filnamn=f00514&gardpostnr=242&merk=242#ovre Folketeljinga 1900, Digitalarkivet.]</ref> Det omfatta 15 personar, eller 14 når ein ikkje reknar med sonen Erling som gjekk på [[Kristiania tekniske skole]]. Hushaldet stakk seg ut i bygdesamfunnet mellom anna ved å omfatte guvernante og kontorist. Det var tre faste tenestefolk: stuepike, budeie og ein tenestekar. Dessutan hjelpte «tante Grethe» til i hushaldet. Det var Gabrielle Østgaards ugifte og «ubemidlede» syster Margrethe Kirstine Winsnes. Østgaard-familien snakka riksmål, men borna brukte visstnok dialekt i omgang med bygdefolket. Borna fekk privatundervisning av guvernanter, mellom anna i framandspråk og pianospel. Familien hadde mykje omgang med doktoren, prestefamiliane i både, Lom, Skjåk og Vågå, futen og sorenskrivaren, som båe budde i Vågå, men også med «de likeste gardbrukerne».<ref>Hosar, Aase 2002 side 7.</ref>