Henrik Mathiesen: Forskjell mellom sideversjoner

Faren Iver Mathias Mathiesen (1815-1872) blir i kjeldene omtala som [[proprietær]], og ikkje som vanleg gardbrukar. Det kjem seg neppe av at garden var spesielt stor. Det var heller at han sosialt og kulturelt skilde seg ut frå vanlege gardbrukarar. Han var fødd inn i forretningsstanden i Trondheim, fekk opplæring i forretningsdrift og var elles ein danna og utdanna mann med vide interesser. Han dreiv også sjølv som forretningsmann ei kort tid før han gjekk heilt over til landbruket, som var det han interesserte seg mest for. Hans far igjen, altså Henrik Mathiesens bestefar, og som han heitte opp att etter, var kjøpmann i Trondheim og forstandar for det [[Leksikon:Haugianere|haugianske]] vennesamfunnet i byen.