Hotel Ravnejuv: Forskjell mellom sideversjoner

Hotellet blei bygd av [[Olav Larsen Omdal|Olav L. Omdal]] i 1900.<ref>Bakken, 1978, s. 358. </ref> [[Ravnejuvet]] hadde vore eit ynda turistmål heilt sidan den gongen [[turisme|turismen]] for alvor tok til i [[Øvre Telemark]] på siste helvta av 1800-talet. Det bratte juvet med den særegne oppdrifta som kunne bringe pengesetlar attende til klippekanten når dei blei kasta utfor stupet fekk omtale i fleire av samtidas reiseskildringar. Når [[Yngvar Nielsen]] skreiv si "Rejsehaandbog over Norge" i 1879, bemerka han at sjølv om endestoppet for kanalbåtane ikkje låg attmed nokon landeveg, så anbefala han turistane å ta turen til [[Dalen]], "for derfra at foretage den lønnende Udflugt til Ravnjuvet".<ref>Nielsen, 1879, s. 206-207.</ref> Blandt "turistane" som har vitja Ravnejuvet finn me m.a. [[Oscar II]] (1873 og 1879), kronprins Carl (1879)<ref>Morgenbladet, 23. september 1879, s. 1. </ref>, prins Eugene (1881)<ref>Aftenposten, 9. juli 1881. </ref>, den svenske [[kronprins Gustav]] og den franske keisarprinsen [[Napoleon IV ]](i 1878)<ref>Brattekås, 2013, s. 113</ref> I fylgje [[Olav Bakken]] skal prins Oscar visstnok ha vore innom på Hedda då han besøkte plassen, men dette kan ikkje bekreftast frå andre kjelder.<ref>Bakken skriv at Oscar II var på besøk i regionen i 1870 og at det i samband med besøket blei oppført ein paviljong nær Ravnejuv. Årstallet for dennne hendinga er mest truleg feil, då andre kjelder peiker mot at Oscar II besøkte staden i 1873 og 1879, og at det mest truleg var ved det siste besøket at paviljongen blei oppført. (Bakken, 1978, s. 358.) </ref>  

Det populære reisemålet var nok årsaka til at Olav L. Omdal valde å bygge eit hotell på Hedda i 1900. Hedda høyrde til Omdal Midtgarden som Olav eigde, og hotellet blei sett opp berre femten minuttars gange frå Ravnejuvet. Den vanlegaste vegen til hotellet gjekk frå [[Eidsborg stavkyrkje]] som låg ein times gange unna.<ref>Coll, 1910, s. 325.</ref> Derifrå kunne ein reise vidare til [[Sandok hotell|hotellet på Sandok]] i [[Nesland]], [[Vinje]], som låg omlag ein times gange lengre ned i dalen.<ref>Coll, 1910, s. 325. </ref>  

[[Dise Turtedalen]] (fødd 1868) heldt til på Hedda ei stund.<ref>Bakken, 1978, s. 528. </ref> Ho var kokkedame, og truleg den som hadde servering på hotellet. Storleiken på tuftene som framleis er synlege på tomta der hotellbygningen stod, vitnar om at hotelldrifta ikkje kan ha vore særleg stor. Forutan rom for servering i fyrste etasje, har det truleg berre vore plass til eit par soverom i andre etasje. I Yngvar Nielsen si «Reisehaandbog over Norge» frå 1907 vert hotellet omtala som ei "Turisthytte" på "Ravnegjuvsæteren" med fem senger.<ref>Nielsen, 1907, s. 39. </ref>

I fylgje Olav Bakken budde det folk på Hedda fram til 1909. Dette skal ha vore dei tre ugifte syskjena [[Kari Storlid|Kari]], [[Tomas Storlid|Tomas]] og [[Olav Halvorson Storlid]].<ref>Bakken, 1978, s. 358. </ref> Det har ikkje vore mogleg å få dette bekrefta frå andre kjelder. Tufta der Hotel Ravnjuv stod, er framleis synlege attmed vegen.  

*Brattekås, Sigrun Lie, "Napoleon sin hæl", i Telemark Historie 2013: Festkultur og drikkeskikkar i Telemark, Bø, 2013.

*Nielsen, Yngvar, ''Rejsehaandbog over Norge : med 6 Karter'', Kristiania, 1879.

*Nielsen, Yngvar, ''Reisehaandbog over Norge'', Mindre Udg., Christiania, Cammermeyer, 1907. [https://urn.nb.no/URN:NBN:no-nb_digibok_2012041108057 Lenke] til digital utgåve hjå Nasjonalbiblioteket.