Hugo Frederik Hjorthøy

Hugo Frederik Hjorthøy (fødd 1741 i Klepp, død 1812 i Sund) var prest og topografisk forfattar.

I 1770 var han viseprost på ei dansk-norsk flåteavdeling på tokt til Algerie. Han skreiv dagbok og skildra dei dårlege tilhøva på skipa. Dagboka vart trykt i det danske tidskriftet Musæum i 1893.

Hjorthøy var sokneprest i Fron frå 1774, året etter prost i Gudbrandsdalen. Før han kom til Fron, hadde han vore prest i Flesberg og Skien.

Han er særleg kjend for Physisk og ekonomisk beskrivelse over Gudbrandsdalens provstie (to band, 1785–86). Bøkene er komne i nye opplag og utgåver (1907, 1956 og 1990) og er rekna for å vera av dei beste topografiske verka frå 1700-talet.

Han skipa det fyrste kornmagasinet i Gudbrandsdalen, i Fron, og dreiv med nybrotsdyrking. Han fekk bygt eit stort steinfjøs på prestegardssetra, eitt av dei tidlege steinfjøsa i Gudbrandsdalen.

I 1783 vart han prest i Bergen, i 1791 i Sund. Både i Bergen og Sund sat han i tronge kår og var plaga av sløvheit. Jamvel i Sund der han ikkje lenger kunne gjera prestetenste, dreiv han med uttapping og dyrking av myr.

Kjelder og litteratur

• Engen, Arnfinn: artikkel i Norsk biografisk leksikon bind 4. Oslo 2001.

Denne siden er en spire. Du kan hjelpe den til å vokse seg stor og sterk! Denne sida er ei spire. Du kan hjelpe henne til å vekse seg stor og sterk!