Jon Sørensen: Forskjell mellom sideversjoner

<onlyinclude>{{thumb høyre|Jon Sørensen.jpg|Jon Sørensen og familien.|1910-åra (Akershusmuseet/Digitalt Museum)}}

'''[[Jon Sørensen]]''' (fødd i [[Sandnes kommune|Sandnes]] 23. august 1868, død i [[Ullensaker]] 1936) var lærar, fylkes- og folkehøgskulemann. Han var det ein kan kalle ein skuleentreprenør, ein av dei nokså mange i samtida som grunnla og leia privatskular på idealistisk grunnlag. Mange av dei gjorde seg også sterkt gjeldande innan det offentlege skulesystemet, og det gjeld i høg grad Jon Sørensen. Det meste av yrkeskarrieren sin hadde han på [[Romerike]], og mest kjend er han som eigar og styrar av [[Eidsvoll folkehøgskole]] 1908-1918. Dette vart i samtid og ettertid vurdert som eit særs vellykka tiltak. Men eit samanfall av familiekrise og dyrtid under fyrste verdskrigen, gjorde at Sørensen gav opp prosjektet og la ned skulen. Han gjekk deretter igjen over i det offentlege skuleverket.</onlyinclude>

Jon Sørensen hadde barndomen sin i Sandnes, men vart vaksen i Kristiania. I Sandnes gjekk han allmugeskule og høgare allmugeskule. Da han var 13 år, flytta familien til hovudstaden, der faren vart overlærar ved [[Kristiania folkeskoler]]. Jon heldt der fram skulegangen sin ved [[Borgerskolen]], [[Katedralskolen]] og ved indremisjonsskulen [[Hauges Minde (Kristiania)|Hauges Minde]]. Han tok eksamen artium i 1889, og andreeksamen ved universitetet i 1891. Han fekk lærarutdanninga si ved [[Hamar lærerskole|Hamar seminar]], der han var ferdig i 1892.  

Seinare tok Sørensen vidareutdanning med sløydkurs 1895 og 1900 og som elev ved [[Den gymnastiske Centralskole]] 1895-1897.  

*Flyen, Simen: ''Eidsvoll bygds histore 1914-1940''. Eidsvoll kommune 2002.

[[kategori:Eidsvoll kommune]]

[[Kategori:Flora kommune]]