Krigsminnesmerket i Hornnes

Den utskrivbare versjonen støttes ikke lenger eller har rendringsfeil. Oppdater eventuelle bokmerker i nettleseren din og bruk nettleserens standard utskriftsfunksjon i stedet.

Krigsminnesmerket i Hornnes stend rett utafor Hornnes kyrkjegard, og er reist til minne om tre horndøler som gav sine liv under andre verdskrigen.

Krigsminnesmerket ved Hornnes kyrkje.

Foto: Siri Johannessen (2013).

Minnesmerket er ei støtte i granitt. Øvst står innskrifta «Desse horndøler miste livet sitt i fridomskampen 1940–1945». Deretter følgjer namna til dei tre med fødsels- og dødsdato, og dødsstaden.

Jon Hornnes, * 23-11-1904 † 19-5-1944 i Natzweiler fangelæger.
Alfred Skaiå, * 19-6-1920 † 17-6-1944 i Sachsenhausen fangelæger.
Jørgen Tambini, *17-8-1893 døydde i februar 1942 ved krigsforlis.

Minnesmerket vart avduka den 17. mai 1947, med om lag tusen menneske til stades. Ordførar Olav A. Tveit las ein prolog, medan løytnant Abusland heldt avdukingstala. To æresvaktar frå Evjemoen leir stod vakt, og oberstløytnant Ullern la ned ein krans.

Litteratur og kjelder

Minnesmerket, sjå bilete.
«Avduking av minnesmerke i Hornnes» i Fædrelandsvennen 1947-05-21. Digital versjon på Nettbiblioteket.