Landgård hotell: Forskjell mellom sideversjoner

[[Fil:Mittet & Co. AS, 1910-1949. Nasjonalbiblioteket.jpg|miniatyr|Landgård hotell med Høydalsmo sentrum i bakgrunnen.{{byline|[[Mittet & Co.]], Nasjonalbiblioteket.}}]]

'''[[Landgård hotell]]''' låg i [[Høydalsmo]] i [[Tokke kommune]]. Hotellet var i drift frå ca. 1920-1972.  

I 1891 kjøpte [[Halvor O. Landsverk]] frå [[Kviteseid]] tomta som var utskilt frå Nigard Ofte og tok til å byggje her. På 1890-talet blei det lagt fram forskjellige forslag for kvar Bergensbanen skulle leggjast, og eitt av forslaga var å leggje den gjennom Høydalsmo.<ref>Førstøyl, 2014, s. 323.</ref> Om dette var årsaka til at Halvor satte opp bygningen er usikkert, men det er ingen tvil om at den store bygningen vakte oppsikt i samtida. Då ein grosserar Ulrichsen frå [[Skien]] reiste gjennom bygda medan bygningen blei reist i 1890-åra skal han ha bemerka; "Det var da svært til lang gård!". Dermed blei staden kalla "Langaard". Då sonen til [[Conrad Langaard]], sjefen for [[Langaards Tobakksfabrikk]], ei gong i slutten av 1920-åra kom køyrande forbi og såg skiltet med "Hotel Langaard" hengande på veggen, tok han tak i ein sakførar. Hotelleigar [[Halvor J. Ofte (1883-1962)|Halvor J. Ofte]] fekk brev frå ein advokat om at namnen måtte endrast. Halvor sette inn ein "d" i namnet, og sidan heitte hotellet "Landgård".<ref>Etter Jon H. Ofte i [[Tokke Historielag]] sitt årsskrift 1981, s. 25. </ref>  

Det blei aldri jarnbane gjennom Høydalsmo, og i 1894 blei Landgård overdrege til [[Knut Johansson Aksvik]] frå [[Rauland]]. Planen var å starte landhandel i lag med [[Bjørn Vasshus]] gjennom firmaet [[Axvig & Vashus]], men dette gjekk dårleg. I 1896 kjøper [[John H. Ofte]] og [[Halvor N. Breiland]] Landgård med tanke på å drive landhandel gjennom firmaet [[Ofte & Breiland]]. Handelsbua stod på andre sida av vegen, og Landgård blei leigd bort til husvære.  

I 1907 får sonen til John H. Ofte, Halvor J. Ofte, skøyte på Landgård. Han var gift med Jorunn Gunnarsdotter frå Nord-Tveiten. Dei fyrste åra fekk Halvor arbeid på [[Oftebui]] medan Jorunn dreiv med strikking for sal. Då [[pinserørsla Elim]] kom til Høydalsmo i 1907 vart Landgård samlingsstad dei fyrste 23 åra fram til bedehuset blei bygd. I 1911 blei postkontoret flytt hit frå Uppigard Ofte, og Halvor vart postopnar. Telefonsentralen blei flytt hit frå Mogen i 1915.   

Kring 1920 blei det starta hotelldrift på Landgård. I 1922 kjøpte Halvor ein Dodge 1919-modell, og snart blei det også satt opp bensinpumpe på tunet.  

I 1947 tok sonen til Halvor J. Ofte, [[Jon H. Ofte (1911-1992)|Jon H. Ofte]], over drifta på Landgård. Han var gift med [[Karen Anker Vogt]] frå [[Oslo]]. Hotellet endra namn til '''Landgård Gjestgiveri'''. I gjesteboka frå Landgård som vert oppbevart ved [[Vest-Telemark Museum]], kan det sjå ut til at verksemda opphøyrde i 1972.<ref>Landgård hotell sitt arkiv ved [[Vest-Telemark Museum]]. </ref> Då blir hotellet kalla '''Ofte's Gjestgiveri'''