Lars Hellemo
Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.
Lars Hellemo (fødd Johnsen 21. septemeber 1917 i Sand (no Suldal kommune), d. 1. juli 2009 i Stavanger) var lektor og lokalhistorikar. Han voks opp i Hetland, no Stavanger kommune. Foreldra var lærar Toralv Johnsen (1888–1963) og Karen fødd Gramstad (1891–1961). Han gifta seg i 1946 med Tora Thomsen (f. 18. oktober 1921, død 24. april 2006) frå Fister.
Hellemo tok norsk hovudfag i 1946, med tysk og historie som sidefag. Hovudoppgåva heitte Ord og nemningar frå arbeidslivet i Suldal og Røldal. Han var fyrst lektor nokre år i Sauda. Frå 1951 til 1984 var han lektor på gymnaset på Sandnes.
Ei utvida utgåve av hovudoppgåva kom ut i skriftserien til Norsk Målførearkiv i 1957: Frå det gamle arbeidslivet. Ord og nemningar, truer og tradisjon frå arbeidslivet i Suldal, Røldal og Sauda. Føremålet var å prøve å gje eit bilete av arbeidslivet frå om lag midten av 1800-talet og framover, og få med eit oversyn over det viktigaste ordtilfanget, truene og tradisjonen som knytte seg til det gamle arbeidslivet. Tilfanget var samla av forfattaren i åra 1942–54.
Bibliografi (utval)
- Frå det gamle arbeidslivet. Ord og nemningar, truer og tradisjon frå arbeidslivet i Suldal, Røldal og Sauda. 1957. 157 s.
- Vister etter villrein. Veiding i Dyraheio og på Vidda. I: Årbok. Stavanger turistforening. 1969. S. 21–68.
- Frå torvskurd til tingsal. Kulturhistoriske riss frå Rogaland. 1985. 84 s.
- Rett og rangt i namneverket i Rogaland. I: Ætt og heim. 1992. S. 67–83.
Kjelder og litteratur
- E-post frå sonen Geir Hellemo 5. mars 2018.
- Norges filologer og realister. 1950.