Ludvig Daae (1786–1831)

Ludvig Daae (fødd 26. november 1786 i Leikanger, død 6. desember 1831 i Lærdal) var sokneprest og politikar. Han var son av sokneprest Anders Daae i Leikanger. Han gjekk Bergen latinskule 1805-07, men byrja ikkje å studere i København før i 1809 på grunn av krigen. Han vart cand.theol. hausten 1812 og var frå 2. april 1813 personleg kapellan i Leikanger, frå 31. oktober 1814 residerande kapellan same stad.

+ få med valmannomboda

Daae vart utnemnt til sokneprest til Trondenes 13. april 1823, men overtok aldri kallet før han 2. juni same året fekk sokneprestembetet i Lærdal. Det hadde han til han døydde.

Daae gifte seg 4.2.1813 med Elise Benedicte Petersen (1793-1875) frå København. Dei fekk desse borna som voks opp:

• Anders Daae (1814-1887), teolog
• Jonas Ravn Daae (1822-1892), offiser
• Anne Sophie Daae (f. 1824), ugift
• Christopher Frimann Daae (1825-1893), teolog
• Martha Daae (1826-1877), gift med Wilhelm Frimann Chrisie, kjøpmann i Kristiansund
• Ludvig Daae (f. 1829), røyrleggjar i Kristiania
• Elise Benedicte Daae (f. 1830), gift med sokneprest Hans Christian Nimb
• Johan Christopher Haar (1832-1871), handelsmann i Kistiansund

Kjelde: Lampe II s. 37-38.