MB «Frost»

«Frost» var ein klinkerbygd trebåt på 19 fot bygd i1926. Registrert i fiskeriregisteret for Volda: M-14-VA. Motoren var Amerikan 4 h.k. bygd i 1924. I Fortegnelse over Merkepliktige Norske Fiskefarkoster frå 1932 er «Frost» fyrste gong nemnd. Det går fram av merkebrevet at båten skulle brukast til fjordfiske og transport.

Bygda var veglaus og der var eit behov for transport. Sjøvegen er det ca. 10 km. til kommunesenteret Volda. Utover i 1930 åra og etter krigen vart det fleire motorbåtar, behovet for anna enn eigen transport minka vekk. Båten vart seld i fyrste halvdel av 1960 åra. Stroken frå fiskeriregisteret i 1968.