Matias Orheim

Matias Sivert Orheim (fødd 26. juli 1884 i Eid, død 20. april 1958 same stad) var ein salmediktar frå Stårheim i Eid i Nordfjord. Han skreiv om lag 1000 songar, komponerte 178 melodiar, og ga ut 13 diktsamlingar. Seks av salmene hans står i Nynorsk salmebok. Orheim var også predikant, bonde, romanforfattar og historikar.

Matias Orheim var son av bonde og smed Kristian Orheim (1861–1939) og Karen Øygarden (1861–1940), og vart gift i 1905 med Marie Dumbestein (1881–1958).

Matias Orheim vart kristen under eit pinsestevne i Stårheim i 1900. Berre tre år etter kom den første diktsamlinga hans, Heimlokk. Orheim fekk ein augesjukdom i ung alder og mista etter kvart synet. Han fekk Kongens fortenstmedalje i gull i 1953, og på grava til Matias Orheim og kona Maria ved Stårheim kyrkje står det ei minnestøtte laga av Anne Grimdalen.

Kjelde

• Kjebekk, Erik: Matias Orheim i Norsk biografisk leksikon på snl.no. Hentet 29. januar 2023 fra http://nbl.snl.no/Matias_Orheim
• Sogn og Fjordane fylkesleksikon