Munnharpe
Munnharpe er eit musikkinstrument forma som ei ramme med ei svingbar ståltunge. Ramma pressast mot tennene, og ein lager lyd ved å slå an ståltunga. Ein endrar resonans ved å lee på lepper og kinn. Munnharpa gjer berre ei tone, men ved å endre resonans kan ein få fram andre overtonar, å såleis spele melodiar i tillegg til å nytte ho som eit rytmeinstrument.
Instrumentet er av asiatisk opphav, og er minst to tusen år gamalt. I Europa kjenner ein berre munnharper med metallramme, men i Asia finst det variantar av bambus, tre, horn, bein og metall.
Munnharpa har blitt nytta mykje i norsk folkemusikk. På 1800-talet blei ho til dels erstatta av munnspelet, men seinare har mange tatt opp munnharpa att.
I Valle i Setesdal finn ein den største munnharpa i verda, ein skulptur som var kommunen sin tusenårsstad.
Litteratur
- Munnharpe på Wikipedia på bokmål og riksmål.
- Munnharpe i Store norske leksikon.
- Norsk Munnharpeforum.