Myklemyr skule: Forskjell mellom sideversjoner

'''Myklemyr krins''' (''Nebygdens kreds'') er ein nedlagd skulekrins og skule i [[Jostedal|Jostedalen]] i [[Luster kommune]]. Krinsen vart skipa midt på 1800-talet då dei to tidlegare skulekrinsane i Jostedalen vart delte i fem. Myklemyr var den sørlegaste krinsen i Jostedalen og femnde om området frå bruket Husøy ved kommunegrensa mot Luster i sør til Fossøygjelet i Nord. Det vil seie matrikkelgardane [[Myklemyr (Jostedalen)|Myklemyr]], [[Ormberg (Jostedalen)|Ormberg]] og [[Fossen (Jostedal)|Fossen]] unnateke Fossøyane.

Før skulehuset vart bygt, vart det leigd ulike stover til skulerom, og alle borna var samla til skule på ein stad. Krinsmøtet tok initiativet til eit skulehus i krinsen i februar 1891. På dette tidspunktet var skulehusa i krinsane Sperla og Kreken tekne i bruk, og skulen i Mjølverdalen var under bygging. I Myklemyr krins var det usemje om plasseringa av skulehuset, så skulestyret avgjorde at det skulle stå på bruket Knippa. I 1893 var finansieringa i orden, og hausten 1894 kunne den nye todelte skulen takast i bruk.

Skulen og skulekrinsen vart lagt ned i 1964. Då hadde barnetalet vorte så lite at ungane vart skyssa med buss fram til [[Sperla krins|skulen i Sperla]]. Denne ordninga vara til 1968 då den nye [[Jostedal skule|sentralskulen i Jostedalen]] stod ferdig.

Det gamle skulehuset står framleis i vegkanten på Myklemyr og er kraftig til nedfalls (2010).  

*[http://www.arkivportalen.no/arkivportalen-web/side/aktor/detaljer?aktorId=no-SFF_arkiv000000014758 Jostedal kommune. Nedrebygda/Myklemyr skule] (1866-1971) (Arkivportalen)

[[Kategori:Skoler i Luster kommune]]

[[Kategori:Nedlagte skoler]]