Naust
Eit naust er eit båthus, sett opp nær vatnet for å ta vare på båtar. Det er óg vanleg å lagre fiskereiskapar og anna i naustet. Ordet kjem frå nava og sta, som tydar «skip» og «stå», eit hus der skipet eller båten står.
Nausttypar
Naust vert bygd med god lufting, så garn, liner og andre reiskaper kan tørke. Det finst tradisjonelt tre huvudtypar naust i Noreg: Steinnaust, tømmernaust og grindnaust. Ein kan óg finne kombinasjonar av teknikkane. Nye naust vert bygd med moderne teknikkar.
Steinnaust
Steinnaust er vanlege i område med knapp tilgang til tre. Tre av veggane er i steinmur, medan enden mot sjøen anten er open eller har ei tredør. Oppe på steinmuren er det ofte ei treramme som ber taksperrane.
Tømmernaust
Tømmernaust vart ofte bygd inst i fjordane, der det er god tilgang til tre. Dei er grovt lafta, ein teknikk som gjer god gjennomlufting. Dei hadde sperretak, som regel med torvtekking.
Grindnaust
Grindverk krev mindre tre enn tømmernaust. Ei grind er to stavar som er så høge som naustet skal verte, samanbundre med ein tverrebete. Desse står etter kvarandre med nokre meters mellomrom. Ytterveggane vart oftast kledde med stående bord. Taket var som regel torvtekt med sperre, torv, never, tro, vindskier og torvvol.