Niels Friis: Forskjell mellom sideversjoner
mIngen redigeringsforklaring |
mIngen redigeringsforklaring |
||
| Linje 21: | Linje 21: | ||
*Omtale i ''Bergens stifts biskoper og præster efter reformationen. Biografiske efterretninger'', 1896, bd. 2, s. 67-68. ([http://urn.nb.no/URN:NBN:no-nb_digibok_2009031003040 Digital utgåve]) | *Omtale i ''Bergens stifts biskoper og præster efter reformationen. Biografiske efterretninger'', 1896, bd. 2, s. 67-68. ([http://urn.nb.no/URN:NBN:no-nb_digibok_2009031003040 Digital utgåve]) | ||
*Nordahl-Olsen, Joh. (1898). ''Stamtavle over en norsk præsteslægt Friis.'' Bergen. ([http://urn.nb.no/URN:NBN:no-nb_digibok_2013081908106 Digital utgåve]) | *Nordahl-Olsen, Joh. (1898). ''Stamtavle over en norsk præsteslægt Friis.'' Bergen. ([http://urn.nb.no/URN:NBN:no-nb_digibok_2013081908106 Digital utgåve]) | ||
**Munthe, Hartvig. (1903). ''Aabel, Leigh og Pavels. Slægtshistoriske optegnelser.'' Christiania: Dybwad. ([http://urn.nb.no/URN:NBN:no-nb_digibok_2012032024029 Digital utgåve]) | |||
*Friis, Guttorm. (1980). ''Friis. En slektshistorisk oversikt. Prost og sogneprest til Hafslo i Sogn, Niels Friis 1741-1814. Hans forfedre og hans etterkommere.'' Kongsberg. | *Friis, Guttorm. (1980). ''Friis. En slektshistorisk oversikt. Prost og sogneprest til Hafslo i Sogn, Niels Friis 1741-1814. Hans forfedre og hans etterkommere.'' Kongsberg. | ||
*Per Olav Bøyum: [http://www.fylkesarkiv.no/fr/node/13163 «Reisande prestar»], fylkesarkivet i Sogn og Fjordane. | *Per Olav Bøyum: [http://www.fylkesarkiv.no/fr/node/13163 «Reisande prestar»], fylkesarkivet i Sogn og Fjordane. | ||
Sideversjonen fra 25. jun. 2014 kl. 21:46
Niels Friis (fødd 31. juli 1741 i Svendborg, Danmark, død 17. mai 1814 i Hafslo) var prest og stamfar til den norske greina av Friis-slekta. Friis var son av kjøpmann Niels Johannes Friis og Elisabeth Breinholm. I studietida arbeidde han òg som lærar i Danmark og Noreg, mellom anna 1759-1761 som huslærar hjå sorenskrivar og overinspektør i Nordre Jarlsberg, Morten Müller. Han tok cand.theol-eksamen i 1765 og var både før og etter det lærar i Danmark.
Frå 1773 var Friis prest på skipet "Ganges" i det asiatiske kompaniet. Dagboka hans frå eit tokt til Trankebar og India 1773-74 til året før han døydde er publisert.
Den 6.8.1777 vart han utnemnd til sokneprest i Nærstrand (Nedstrand) i Ryfylke etter å ha søkt 39 ulike embete. I 1791 vart han prost, men same året fekk han sokneprestembetet i Hafslo, Sogn og Fjordane, som han tok over 21.8.1792. Friis hadde ord på seg for å vere ein lærd mann og ein utmerka lærar. Han hadde embetet til han døydde 17. mai 1814.
Friis gifte seg 9.5.1780 med Birgitte Christine Hielm (1739-1820), enkja etter prost Peder Pavels (1724-1777), sokneprest i Hjelmeland. Birgitte var 38 år då mannen døydde og sat att med det Friis karakteriserte som "fem uopdragne Børn" - den eine sonen døydde òg seinare. Niels og Birgitte fekk så to born i lag. I dagbøkene sine skil ikkje Niels Friis mellom dei seks borna og omtalar alle som "min Søn" eller "min Datter". Fire av dei seks borna vart prestar eller prestefruer i Sogn og Fjordane, og ein i Lindås.
Birgitte hadde desse borna frå det fyrste ekteskapet med Peder Pavels (gift 12.2.1760):
- Jacob Pavels (1763-1841), snikkar, ugift
- Peder Pavels (1769-1855), sokneprest i Gloppen
- Christine Margrethe Pavels (1772-1863), gift med Ole Aabel (1757-1852), sokneprest i Jostedalen og Aurland
- Bolette Christnie Pavels (1774-1861), gift med offiseren Hartvig Kaas Munthe (1766-1830) i Luster, far til far til historikaren og kartografen Gerhard Munthe (1795–1876)
Dei to borna til Niels og Birgitte var:
- Søren Hjelm Friis (1781-1856), sokneprest i Førde
- Elisabeth Maria Friis (1785-1865), gift med sokneprest Christen Daae i Lindås, foreldre til professor Ludvig Kristensen Daa
Kjelder og litteratur
- Friis, Jakob. (1941). Prost Niels Friis' dagbok og opptegnelser 1773-1814. Oslo: Cammermeyer.
- Omtale i Bergens stifts biskoper og præster efter reformationen. Biografiske efterretninger, 1896, bd. 2, s. 67-68. (Digital utgåve)
- Nordahl-Olsen, Joh. (1898). Stamtavle over en norsk præsteslægt Friis. Bergen. (Digital utgåve)
- Munthe, Hartvig. (1903). Aabel, Leigh og Pavels. Slægtshistoriske optegnelser. Christiania: Dybwad. (Digital utgåve)
- Friis, Guttorm. (1980). Friis. En slektshistorisk oversikt. Prost og sogneprest til Hafslo i Sogn, Niels Friis 1741-1814. Hans forfedre og hans etterkommere. Kongsberg.
- Per Olav Bøyum: «Reisande prestar», fylkesarkivet i Sogn og Fjordane.