Ole Aabel: Forskjell mellom sideversjoner

5. oktober 1792 vart Ole Aabel utnemnd til sokneprest i [[Jostedal]] prestegjeld, og i februar 1793 kom han til bygda og heldt tiltredingspreika si. I kallsboka (skrive 1830) heiter det at han trong all kraft "for at udrydde de herskende uordener med drik og kortspil" etter den førre presten [[Matthias Foss]]. Dette lukkast han godt med og vann "med justedølernes hele kjærlighed og agtelse".<ref>Kallsboka, fol. 32b</ref> Då han i 1800 søkte ded ledige sokneprestembetet i Aurland, skreiv biskop [[Johan Nordahl Brun]] i attesten at Aabel hadde vore "8 aar i denne lille for alle mennesker afsondrede fjeldbygd", noko som "bør gjøre ham i promotionsvei fuldkommen lig med missionairer".<ref>Munthe 1921, s. 17</ref> Å vere sokneprest i Jostedalen vart altså jamført med å vere på misjonsmarkene. I Jostedalen fekk Aabel og kona Christine Margrethe f. Pavels mellom anna sonen [[Peder Pavels Aabel]], som seinare vart sokneprest i Jostedalen.