Peter Flor: Forskjell mellom sideversjoner

Allereie som 14-åring i 1789 vart Peter Flor utnemnd til [[fenrik]] ''a la suite'' (ikkje i aktiv teneste) ved [[2. Akershusiske infanteriregiment]], der faren var tenestegjerande. Peter fekk [[sekondløytnant]]s grad året etter. Det er ikkje bringa på det reine om han hadde gått [[Krigsskolen]] eller oppnådd offisersgrad på anna vis. Etter at han hadde teke dansk juridisk eksamen i 1792 og auditøreksamen 1793, vart han konstituert som assistent for faren i justisforretningar. ved regimentet Han vart «virkelig» fenrik ved 2. Akershusiske infanteriregiments 2. gevorbne grenaderkompani i 1797, og verkeleg sekondløytnant ved regimentets nasjonale [[Vestre Laurvigske kompani]] i 1799, men søkte på grunn av sjukdom avskil allereie året etter med 72 riksdalar årleg i pensjon. Han sa frå seg pensjonen frå 1. januar 1812, da han under krigen mot England igjen gjekk i aktiv militærteneste som divisjonssjef ved kystvernet. For den innsatsen fekk han ærestittelen [[Leksikon:krigsråd|krigsråd]], som han seinare (1833) sa frå seg.

Frå 1806 til 1811 var Flor gardbrukar på Haugbu gard. Han var næraste grannen til prestegarden, der den kjende opplysningspresten, seinare biskop i Bergen [[Jacob Neumann]] residerte på den tida. Neuman redigerte publikasjonen Norske Landvæsens-Samlinger, og Flor leverte fleire jordbruksreformatoriske avhandlingar her. Flor vart som Neuman trekt inn i arbeid for Selskapet for Norges Vel. Selskapet sende i 1810 Flor ut på ei granskingsreise til Jæren for å undersøkje korleis denne regionen kunne utvikle seg. Rapporten vart trykt i Selskapets Thopographisk-statistiske Samlinger.

Peter Flor var stortingsrepresentant for Drammen på stortinga 1818 og 1821 og på omframsstortinget 1822. Han vart ein av dei førande for ein koalisjon av opposisjonelle kjøpmenn og bønder blant reprentantane, der andre framståande namn var bonden [[Hans Barlien]] (Nord-Trøndelag), proprietæren og offiseren [[Jacob Hoel]] (Hedmark), kjøpmann [[Isaach Isaachsen]] (Kristiansand) og Flors vener og medrepresentantar frå Drammen kjøpmann [[Elling Mathias Holst|Elling Holst]] og [[Nicolai Schejtli]]. På stortinget 1821 var dei ca. 20 reprentantane som høyrde til gruppa, såpass fast samansveisa at dei vart omtala som Det Flor-Hoelske Parti. Dei møttest for rådslagningar også utanom stortingsmøta.

Dei to store sakene på stortinget 1821 og omframstortinget 182 var adelslova og statsgjeldoppgjeret med Danmark. I båe sakene var Flor ordførande for opposisjoenen. Opposisjonen tapte i sin kamp mot å godta nokon del av det dei rekna som eintydig dansk statsgjeld. Men dei vann fram med å fremje adelslova mot kongens veto. Denne striden pågjekk til dels under dramatiske tilhøve der Karl Johan samla svenske troppar ved Christiania («[[Lystleiren på Etterstad]]»), og faktisk vurderte statskupp.