Rjukan sølvrevlag
Rjukan sølvrevlag blei meldt til firmareisteret i Tinn 16. desember 1930, registrert 7. januar 1931. Formålet med laget var "pelsdyravl og hvad dermed står i forbindelse, som kjøp og salg av pelsdyr".[1]
Ved opprettinga av laget utgjorde kapitalen 69.500 kr fordelt på 139 andelar. I styret for laget sat bokhaldar Jørgen Tangen som formann, og ingeniør Finn Sørlie som varaformann. Maskinist Olav Torstensen Skinnarland, Olav Olsen og materialforvaltar Olav Ustad sat også i styret, og sistnemnde var forretningsførar og kasserar. Varamenn til styret var gardbrukar Østen Einung, heradssekretær Halvor H. Einung og fabrikkmeister Hilmar Halstvedt.
Laget blei avvikla i 1944. 13. november 1944 bad styret om å bli sletta frå firmaregisteret. Då bestod styret av Ø. Berge, Olaf Ustad, Olav Olsen, Olaf Gulbrandsen og O. H. Storli.[2]
Arkiv
Arkivet etter Rjukan sølvrevlag er ordna ved Norsk Industriarbeidermuseum. Sjå lenke til oppføring på arkivportalen.
Referansar
Kjelder
- Handelsregistre for Kongeriket Norge : utgitt på foranstaltning av det offentlige i henhold til lov om handelsregistre, firma og prokura av 17. mai 1890 § 4. 1931, Oslo, 1931. Lenke til digital utgåve hjå Nasjonalbiblioteket.
- Handelsregistre for Kongeriket Norge : utgitt på foranstaltning av det offentlige i henhold til lov om handelsregistre, firma og prokura av 17. mai 1890 § 4. 1945, Oslo, 1945. Lenke til digital utgåve hjå Nasjonalbiblioteket.