Sigurd Aarnseth

Sigurd Aarnseth (fødd 18. juli 1891 i Åsen i Nord-Trøndelag, død 20. desember 1987) var lærar, kyrkjesongar og lokalpolitikar i Åsen i noverande Levanger kommune. Venstre-mannen Aarnseth var ordførar i bygda 1938-42 og 1945.

Han var son av lærar Johan A. Aarnseth og Gurine f. Fossing. Sigurd Aarnseth tok eksamen ved Elverum lærerskole i 1916.

Som nyutdanna var han i 1916-17 lærar i Namdalseid, dinest i Melhus (1917-18). I 1918 vart Aarnseth tilsett som lærar i heimbygda Åsen, i noverande Levanger kommune, og kom etter kvart til Vedul krins. Frå 1933 var han òg kyrkjesongar i Åsen.

Sigurd Aarnseth hadde ei lang rekkje med tillitsverv. Han var formann i vegnemnda, prisnemnda, likningsnemnda og overlikningsnemnda, styreformann for Åsen samvirkelag (1923-?), Nord-Trøndelag kooperative distriktsforening (1929-33) og Åsen gamleheim, bankrevisor (frå 1924) og kommunerevisor 1924-37. Han var òg soknerådsformann og formann i Åsen Venstre. Frå 1945 var han overformynderirevisor i Nord-Trøndelag fylke.

27. august 1925 vart han gift med Sofie Mo (1904-87), dotter av stykkjunker Zefanius Mo og Marte f. Buran. Sofie og Sigurd Aarnseth, som fekk to søner og to døtrer, er gravlagde på Åsen kyrkjegard.

Kilder og litteratur

• DIS-Norge: Gravminner i Norge (id. 1246949), med bilete av gravminnet.
• Mal:Folketelling person
• Mal:Folketelling person
• Bakke, Karl: Norske skulefolk, andre utgåva, band II, Dreyer forlag 1952.

Espeland, Arne: Norske skolefolk (første utgave), Dreyer forlag, Stavanger 1934. Digital versjon på Nettbiblioteket