Skoltesamiske båtar
Hopp til navigering
Hopp til søk
Skoltesamiske båtar inkluderer skoltebask — eit namn som tildels viser til relativt lette og korte elvebåtar for bruk i breie og rolige elvar og indre fjordstrøk; og tildels til noko større fjord- og havfiskebåtar. Skoltebaskane har til felles at bordgangane er sydd heller enn klinka, at det enkle, symmetriske råseglet gjerne er breitt oppe og smalt nede og at båtromma er relativt småe. Dei største båtane blant skoltesamar så vel som russarar på Kolahalvøya var snjaka — store og grovbygde, opne båtar med lengd på kring 7–12 meter og éi til to mastrer, der stormastra var råsegl- eller spriseglrigga og mesanmastra, når ho fanst, var gaffelrigga.