Skredvatn (Fyresdal): Forskjell mellom sideversjoner

<onlyinclude>På Skredvatn har det i uminnelege tider vore tømmerfløyting, og ved utløpet er det bygd ein større dam. Mykje tømmer kom ned i Skredvatn via elva som kjem frå Skafså, no ein del av Tokke kommune, og mykje tømmer kom og frå skogane på austsida mot Vrådal. Dette vart lagt opp i ruller på tømmerkast ved vatnet. Når så fløytinga skulle ta til, vart det kasta på vatnet og fløyta bort til dammen ved utløpet.</onlyinclude> Derfrå vart det, delvis ved hjelp av ei tømmerrenne framom fossen Vesle-Rjukan, fløyta ned til Vråvatn. Tømmerhogst og fløyting førde med seg mykje aktivitet i grenda. Skredvatn vart regulera i 1953, og etter kvart tok transport med bil over.