Sylvester Sivertson: Forskjell mellom sideversjoner

Han viste tidleg gode intellektuelle evner. Det haugianarnettverket som foreldra var ein del av, vart til god hjelp da det vart spørsmål om å skaffe guten skolegang ut over allmugeskolen. Han var mellom anna ein vinter i skule hjå haugianaren [[Lars Jensen]] på [[Ringsaker]], seinare stortingsmann. I 1828 var han i [[Trondheim]] og arbeidde som betjent hjå kjøpmann [[Ole Dahl]] i der. Ved eit seinare opphald i Trondheim hadde han fri kost og losji hjå storbonden og forretningsmannen [[Michel N. Grendahl]], som også vart stortingsmann. Dahl og Grendahl var i likskap med Lars Jensen landskjende haugianarar. Ved det siste Trondheims-opphaldet fekk Sivertson undervisning av adjunkt, seinare sokneprest i [[Ørskog]], [[A. H. Kaurin]]. Venteleg i ein mellombolk mellom dei to Trondheims-opphalda, på slutten av 1820-talet, budde han eit par år heime på Hyrve. (Kronologien her er litt uklår.) Frå denne tida i Skjåk er det kjent at han stundom kalla i hop folk på Hyrve for å halde politiske debattmøte.  

Også eit par prestar hjelpte til med å skaffe guten eit skoletilbod. Det gjeld ein [[pastor Steen]] som var den som rådde foreldra til å sende guten til Lars Jensen. Sokneprest [[N. B. Flood]] i [[Kvikne]] i [[Nord-Østerdalen]], tidlegare (1825-1827) kapellan i [[Vågå]], skal både sjølv ha gjeve Sivertson undervisning og ha hjelpt han til plass hjå Grendahl i Trondheim.

Som publisist vart Sylvester Sivertson kjend som ideolog og agitator for den nasjonale og bondedemokratiske rørsla i 1830-åra, ved sida av Wergeland, Peder Soelvold og fleire andre. Sivertson var vikar (”Vice-redaktør”) for sistnemnde i bladet ''[[Statsborgeren]]'' i frå januar til slutten av mai 1833. Han slutta da på grunn av ein konflikt med Soelvold om den redaksjonelle linja. Sivertson meinte tonen i bladet bar for mykje preg av personleg sjikane. Sivertson utdjupa sine synspunkt på dette i det anonyme skriftet ''For Statsborgere mod «Statsborgeren»'' i 1835, og gjorde dermed sitt til at Soelvold måtte trekkje seg som redaktør til fordel for Henrik Wergeland. Sivertson var medredaktør i bladet saman med Wergeland ei kortare periode våren 1837, men rauk uklar også med han.

Sivertson øvde ein betydeleg innverknad på opinionsdanninga i si tid, i og utanfor hovudstaden. Det skjedde fyrst og fremst gjennom ei stor mengd presseartiklar, både i blada han sjølv redigerte, og i andre aviser som [[Morgenbladet]], [[Folkebladet]] og [[Den Constitutionelle]].  

Når det gjeld heimbygda Skjåk, og prestegjeldet Lom som Skjåk var ein del av, kan det peikast på nokre omstende som indikerer hans innverknad der. Som nemnt arrangerte han politiske møte i Skjåk i slutten av 1820-åra. Vi ser også at han spela ei rolle ved den fyrste kjende 17. mai-feiringa på dei traktene, som fann stad på garden [[Blakar]] i Lom hovudsokn i 1833. Mellom anna skreiv Sivertson eit dikt som vart framført der. Han var ikkje sjølv til stades, men refererte frå festen i ''Statsborgeren'' den 2. juni, der han mellom anna fortel at markeringa inkluderte kanonsalutt. Det var 500 menneske til stades, og dansen gjekk til klokka 8 neste morgon.