Telemark Birøkterlag

Telemark Birøkterlag blei skipa i 1909. Frå byrjinga heitte laget Bratsberg Amts Biavlsforbund.

Bimøte der ein undersøker ei bikube.

Foto: "Norske næringsliv" skannet side nr. 128. nb.no
Nasjonalbiblioteket

Historikk

Det var skreddarmeister Mathisen frå Langangen som gjorde opptaket til laget. Kring 1950 hadde laget 21 lokale birøktarlag i heile fylket. Laget administrerte birøkten i fylket, og arbeidde for å stadig betre denne. Ein dreiv også formidlingsverksemd om næringa ved forskjellige stemne.

Telemark Birøkterlag fekk økonomisk støtte frå Telemark Landbruksselskap.

Formenn

Den fyrste formannen i birøktarlaget var faglærar Engh frå Porsgrunn. Han gjekk under kallenamnet "Bipappa".

• Faglærar Engh, Porsgrunn.
• Rådmann H. E. Kjølseth, Porsgrunn.
• Ingeniør Erik Cappelen Knudsen, Borgestad.
• Grosserer Lunder.
• Revisor Martin Thelin, Skien.
• Erling Eikeland, Porsgrunn.
• J. Lillefjære, Solum.

Akiv

Arkivet etter Telemark Birøkterlag er ordna ved Telemark Museum. Sjå oppføring på arkivportalen.

Kjelder

• Sætherskar, Johs. (red.), Det Norske Næringsliv 4, Telemark Fylkesleksikon, Bergen, 1949.