Trettande dag jul

Trettanda dag jul eller trettandedagen, den 6. januar, vart etter kalenderreforma i 1700 rekna for rett juledag fleire stader i landet. Det var ein viktig merkedag for vær og vokster. På primstaven var dagen merka med tre kors, tre kroner eller tre menn. Det siste er ei referanse til dei tre vise menn, og dagen vart óg kalla heilage tre kongars dag.

Etter gamal tradisjon er trettandedagen avslutninga på julefeiringa for mange i Noreg; andre reknar tjuendedagen 13. januar som avslutninga.

Kjelder og litteratur

• Trettende dag jul i Norsk historisk leksikon.
• Trettendedagen i Store norske leksikon.